المساعد الشخصي الرقمي

مشاهدة النسخة كاملة : ردي على ( شمال الشعر ) لعبدالله خلف الله الهذلي

عبدالله الطلحي الهذلي
06-02-2009, 01:20 PM
حي ضيفٍ عن اللي مرسله سد نوب=مرسله في مهمه حاسب حسابها
حمّله بالهدايا فوز ماهي غصوب=عاش من يرسل الجزله ومن جابها
بعضها في يديه وبعضها في الجيوب=قبل نكشف عليها فاحت أطيابها
يوم شفنا لقينا كل شي محسوب=وافيه في الحساب ودافع اتعابها
صاحبٍ يوم رام العز ماهو هيوب=ماتوانى عن العليا ولاهابها
شاعرٍ من هذيل اللي شمال وجنوب=عارف المفردات وعارف إعرابها
أعذب الشعر في وصف الهنوف اللعوب=واصدق الشعر في الحكمة وفي بابها
خل منهو يخض الماء وهو مايروب=لويخاوي الثقات ويلبس ثيابها
يالسمي لك هقاوي باقيه في الغيوب=مثل شمسٍ توارت عنك بحجابها
لاتعجل طلوع الفجر والليل دوب=إجتهد في المساري وإشعب ركابها
فيه فجرٍ يجي صادق وفجرٍ كذوب=من تثبّت يصليها بمحرابها
وانت فارس حصانك للحواجز وثوب=والخيول الأصيله تعرف اصحابها
واصل السير وإصبر للسهر والتعوب=دوس درب الخطر وإدعس على دابها
شوف قبلك تعبنا وإحتملنا الكروب=مانجد فزعة الأصحاب وعتابها
غير من لو نجحنا قال هذا رسوب=شايلٍ سلة السكين بنصابها
وعقب شاف البروق اللي تشق النصوب=والسحايب تهل وتروي ترابها
والخبر جاء مع العتبان ويا الحروب=والقبايل محاضيها وغيابها
فل ذاك الحجاج اللي من اول غضوب=وعودت سلة السكين بقرابها
أبو عبيدالله
06-02-2009, 03:16 PM
ماشاء الله تبارك الله

جميل جدا
تحياتي
خالد الجعيدان السبيعي
06-02-2009, 04:12 PM
اعذب الشعر في وصف الهنوف اللعوب
واصدق الشعر في الحكمة وفي بابها

صح الله لسانك واعتلا شانك يالنشمي

جزلة من شاعر اجزل وذات طرق ممتع طروب

استمتعت بقراءتها وتشرفت

دمت بابداع وبانتظار جديدك
الريوف
06-02-2009, 05:14 PM
صح الله لسانك اخوي عبدالله
ولا انثنى قافك
لا يستغرب الابداع ولا الجزالة على شاعر الحكمة
مشعل اللحياني
06-02-2009, 05:53 PM
ما شاء الله يابو ناصر رد وافي وكافي والوافي ما يجيب الا الوافيه
اطربني جرس الأبيات والألفاظ القويه هذا هم البدو قوة الكلمات
ننتظر جديدك يابو ناصر
مازن الهذلي
06-02-2009, 10:07 PM
ماشاء الله تبارك الله


شهادتي فيك مجروحه .......................... ولكن لا نعفيك ان تتحفنا بإبداعك الجديد
عبدالرحمن عوض
06-02-2009, 10:22 PM
وانت فارس حصانك للحواجز وثـوب
والخيول الأصيلـه تعـرف اصحابهـا


الله الله ابداع من شاعر يستحيل وصفه .

رد رائع وشاعر اروع الله يعيك العافية
عبيدالله المجيريشي
06-03-2009, 02:03 AM
حي ضيفٍ عن اللي مرسله سد نوب=مرسله في مهمه حاسب حسابها
حمّله بالهدايا فوز ماهي غصوب=عاش من يرسل الجزله ومن جابها
بعضها في يديه وبعضها في الجيوب=قبل نكشف عليها فاحت أطيابها
يوم شفنا لقينا كل شي محسوب=وافيه في الحساب ودافع اتعابها
صاحبٍ يوم رام العز ماهو هيوب=ماتوانى عن العليا ولاهابها
شاعرٍ من هذيل اللي شمال وجنوب=عارف المفردات وعارف إعرابها
أعذب الشعر في وصف الهنوف اللعوب=واصدق الشعر في الحكمة وفي بابها
خل منهو يخض الماء وهو مايروب=لويخاوي الثقات ويلبس ثيابها
يالسمي لك هقاوي باقيه في الغيوب=مثل شمسٍ توارت عنك بحجابها
لاتعجل طلوع الفجر والليل دوب=إجتهد في المساري وإشعب ركابها
فيه فجرٍ يجي صادق وفجرٍ كذوب=من تثبّت يصليها بمحرابها
وانت فارس حصانك للحواجز وثوب=والخيول الأصيله تعرف اصحابها
واصل السير وإصبر للسهر والتعوب=دوس درب الخطر وإدعس على دابها
شوف قبلك تعبنا وإحتملنا الكروب=مانجد فزعة الأصحاب وعتابها
غير من لو نجحنا قال هذا رسوب=شايلٍ سلة السكين بنصابها
وعقب شاف البروق اللي تشق النصوب=والسحايب تهل وتروي ترابها
والخبر جاء مع العتبان ويا الحروب=والقبايل محاضيها وغيابها
فل ذاك الحجاج اللي من اول غضوب=وعودت سلة السكين بقرابها

الله الله
عليك ياابوناصر ابيات اكثر من رائه توجيهيه يقتدى بمافيها من التوجيه الناضج ولاهي غريبه حكمه من شاعر الحكمه صح لسانك وبيض الله وجهك وتقبل مروري وتقدير ودمت بخير
خالد الهذلي
06-03-2009, 01:29 PM
بيض الله وجهك يا بو ناصر شاعر كبير

وليست بغريبه هذه الجزله من شاعر الحكمه

تقبل مروري واعجابي

خالد الهذلي
عبدالله الطلحي الهذلي
06-03-2009, 09:23 PM
ماشاء الله تبارك الله

جميل جدا
تحياتي

الجميل حضورك يامشرفنا الغالي

شـــكراً لك

.
محفوظ أبو نايف
06-05-2009, 01:05 AM
يقول عبدالله خلف الله الطلحي :

بين شعري وبيني يا ابو ناصـر حـروب
عــز مطلوبـهـا واحـتـار طلابـهـا

كان ذنبي طموحي حالـف انـي مااتـوب
لـيـن اثـبِّـت ثناديـهـا بمخـلابـهـا

ودي اصـف ريشـي لاحتفـال الهبـوب
واعتلي ..واعتلي .. واطير وارقـى بهـا


يقول عبدالله الطلحي :

يالسمي لك هقاوي باقيه فـي الغيـوب
مثل شمسٍ تـوارت عنـك بحجابهـا

لاتعجل طلـوع الفجـر والليـل دوب
إجتهد في المساري وإشعـب ركابهـا

فيه فجرٍ يجي صادق وفجـرٍ كـذوب
مـن تثبّـت يصليـهـا بمحرابـهـا


ياسلام على الإبداع والشعر الراقي

رديّة رائعة

لله درّكما
عبدالله الطلحي الهذلي
06-07-2009, 01:54 AM
اعذب الشعر في وصف الهنوف اللعوب
واصدق الشعر في الحكمة وفي بابها

صح الله لسانك واعتلا شانك يالنشمي

جزلة من شاعر اجزل وذات طرق ممتع طروب

استمتعت بقراءتها وتشرفت

دمت بابداع وبانتظار جديدك

شكراً خالد

أسعدني حضورك وعذب كلامك

ومشاركاتك تستهويني ومحل إهتمامي
لأنك حزل ورائع

حياك الله

.
عبدالله الطلحي الهذلي
06-07-2009, 02:44 PM
صح الله لسانك اخوي عبدالله
ولا انثنى قافك
لا يستغرب الابداع ولا الجزالة على شاعر الحكمة

أختنا وشاعرتنا ريوف

مرورك أضاء المكان
وملأه عطراً

شكراً لهذا المرور العطر

.