مشاركة بيتين محاورة

[العقـيلي الهـذلي]

السلام عليكم ورحمة الله وبركاته



احي الجميع وعلى راسهم شاعر الحكمه الشاعر عبدالله الطلحي الهذلي

واتمنىان تقبلوني مشاركتي هذه في شعر المحاورة بهذه البيتين المتواضعه ولكم خالص تحياتي




سلام الله سلام (ن) من ضميري والعباد اخوان **** وتبقى صحبه الطيب من اهل الطيب مرفوعه


لـيا جـات الحـقايق نـوفـي الدايـن من الـديان **** على وضح النقا ماهي بكلمة راس مصنوعه

[سلمان بن عقاب]

هلا يامرحبا بك ياطويل العمر فالميدان=على مايسّر الله والوفا ماجف ينبوعه
تقدّم وارتكز بين الصفوف وسمّ بالرحمن=وترا الاخبار بين الناس مقريّه ومسموعه

[مازن الهذلي]

ياسلام تمنيت لو استمريتم

[حمادي المطرفي]

ياسلام الله الله في انتظار الرد

[العقيلي الهذلي]

يدوم الك البقا وأخذ الكلام اللي على البرهان **** أبو زيـد الهلالي ماتطبَع واخـلـف إطبوعه

ذكرنا الله وسمينا وطار مع الهوى الشـيطان **** ونمر الضلع لو يـذبح جمل ماينقطع جوعه

[سلمان بن عقاب]

يابوزيد الهلالي ركّب البندق على النيشان=وجوّد ظربها ولاتجي في قلبك الروعه
هذا الميدان قُدّمك عانه الميدان ياحميدان=وراع الكوع ماتدري العرب عن حِبته كوعه

[سلمان بن عقاب]

ياسلام تمنيت لو استمريتم
هلابك يامازن
والله يعطيك العافية

[سلمان بن عقاب]

ياسلام الله الله في انتظار الرد
الله يسلمك ياحمادي

[العقيلي الهذلي]

ليا دارت رحانا نازن الوزنه على الميزان

ثلاثه وأربعه وأقول مثنيه ومــــربوعه

نعرف العود ابو شعله نعرف العود ابو دخان

واعرف الشجره الي في مسيل السيل مزروعه

[سلمان بن عقاب]

ترا اللي فالمدرّج وايتفرّج شاعر وفهمان=وتقارير الوكاله عانها فالصحف مطبوعه
واذا كان الرساله مالها ياصاحبي عنوان=ماتلقا واحدٍ يصغي لها ويفتّح اسموعه

[العقيلي الهذلي]

نبيع ونشتري فيها وندفع غالي الاثمان ,,,,, وناخذها ونعطيها بكلمه حق مشروعــــــه

سبحنا من بحر جده ليا شاطى خليج عمان ,,,,, وحصلنا الحقايق من قلوب الناس منزوعه

[سلمان بن عقاب]

مادامك تدفع الغالي علامك ماتجيب سمان=وترضي من يحب المرجله تمشي على طوعه
لو ان الطيب يوجد ياطويل العمر فالدكان=لقيت اهل الدراهم ماخذينٍ كل مشروعه

[العقيلي الهذلي]

جـزالـتـنا تـوردنـا الـعـدود الـصـافـيه يافـلان **** توصـيـنا ونـفـسـك عن كـلام الـصـدق مـمـنوعه

خطبنا البنت واعطينا مهرها وانت مهما كان **** حضورك مايرجع طمعت(ن) فالارض مطموعه

[سلمان بن عقاب]

تحوص من الطريق الزين واتدوّر على العمدان=وهرجٍ ماعليه اشهود منه النفس مقروعه
عسى الله يحْفظك يالشاعر اللي مذْهبه مابان=بدينا وانتهينا مادرينا ويش موضوعه

الاخ الشاعر العقيلي الهذلي
سرني واسعدني مجاراتك هذا المحراف
والله يوفقك ولنا لقاء ان شاء الله تعالى.

[العقيلي الهذلي]

جدار البيت مبنى والبنـاء عزه من السيسـان .......... وانا مااقبل بقيمه شي من لا شي مدفوعه

لو احرر بلد واغزي بلد واحكم على الاوطان ........... ماحررت العقول وقتنا متغير(ن) نوعـه


اخي الشاعر سلمان بن عقاب شاكرا ومقدرا لك مجاراتك لنا والعذر والسموحه اذا صدر مني اي بيت او كلمه
خارجه عن النص ولنا لقاء بمشيئه الله تعالي ....... اخوك العقيلي الهذلي