عبدالله الطلحي الهذلي
06-09-2009, 04:07 AM
رائعة الشاعر الكبير/سعود الدهيمي
( طعم الفواله على فاقه )
راكب اللي سايقه ماثنى ساقه= معجبه عقب الغلا رخص بنزيمه
ابيضٍ يشعى القلوب بتلهاّاقه= مار نص الناس مزرٍ عن القيمه
المراتب جلد ووساع ورقاقه=كنها مجلس كريم لمعازيمه
وعاج طبلونه قدم عين سواقه= كن برّاق الحيا في مقاديمه
ونش..هزّاز.. وعلى سقفه الطاقه= كاملٍ وصفه ولافيه ترهيمه
في شطرطونه قليّل تزيراقه=وفي قزازه عن لظا الشمس تغييمه
ان تفقيتّه يعجزك ملحاقه= وان قفاك يطوف لو ماوصل تيمه
مصنع اليابان زوّّّد من الطاقه= ضاعف انتاجه وطوّر تصاميمه
يعطي الشعب السعودي على اذواقه= لين وصل الحد الاقصى لتفخيمه
قلت يوم انه شعاني تمطراقه= صانع الفكسار في حق تكريمه
يانديبي فوقه النفس مشتاقه= ياعسى دربك تقسّم مغانيمه
رح من الدمام والنور باشراقه= وقبل اذان العصر وانته ورى الزيمه
نحرّه من يكسب الناس باخلاقه= من رجال الدين والشعر والشيمه
بلّغ الطلحي من القلب واعماقه= عد ماذعذع هوى النود تسليمه
طعمها طعم الفواله على فاقه= وريحها وردٍ تفتّح مناسيمه
قله الدنيا كذوبه وبواقه= ماتطاوعله على حسب تنظيمه
والنشامى للمواجيب سباقه= والغلا حبلٍ توثق ملازيمه
ينوصل من شوفته شف وشفاقه= وينقطع من شوفته قاعٍ وخيمه
يابو ناصر هرجة الرجل ميثاقه= والوطا سيله تعقبّته الديمه
راجع التاريخ واقر آخر اوراقه= لايروح شداد ريمه ورى ريمه
ماابتدعناها من الباب للطاقه= الوعد ماهوب صكه وتنعيمه
من نوى بالخير مولاه ماعاقه= وكل خير يبارك الله بتقديمه
يوم ثلثين الشواعير ملاقه= يرسلون لمن يمسسّ مرازيمه
سقت لك من واحة الشعر كم باقه= والمعلم نقتبس من تعاليمه
غن طرقك والطواريق منساقه= واول الطاروق واتلاه تسليمه
طعمها طعم الفواله على فاقه= وريحها وردٍ تفتّح مناسيمه
وهذا ردّي عليها
حي مرسولٍ خذ الفوز بسباقه=في سباق مع النهار وتقاديمه
صبح من شرق الوطن جت به الساقه=خرص بالي ماش راحه وتنسيمه
مسرعٍ والزاد والكيف ماذاقه=صايمٍ حتى يكمّل مراسيمه
فوق صالونٍ مغطّي على ازياقه=ومقدمه لايسفي العج ويظيمه
كنه الصاروخ في ساعة إطلاقه=صح ماقال الدهيمي بتصميمه
يوم جاني باقي الشمس شعاقه=قبل مغربها ولادونها غيمه
فز له قلبي وبادرت بعناقه=وقمت يم الكيف واسرعت توليمه
العماس ابدا بطبه وترياقه=دلةٍ فيها من الكيف تلقيمه
والشبب يقفاة والعود بسياقه=وكل شيٍ بالتراحيب تقديمه
مرحبا ترحيب رعدٍ وبراقه=في السحاب اللي تناشت مراديمه
مرحبا بالذوق من عند ذواقه=قاف جانيبه تشوّق ترانيمه
من صديقٍ لي ربطني به علاقه=من قديم وباقيه دوم ومقيمه
لو تفرقنا والأيام فراقه=مايجي صفو العلاقات تعتيمه
حمّل المرسول من غالي اشواقه=وساق وضحه وإقتفتها مجاهيمه
عقب جتني ماعن العلم مدراقه=لازم اسبح في بحر آقه وإيمه
والله إن النفس ياسعود تواقه=والمشاعر بالضماير لها خيمه
منزلٍ لو تعصف الريح برواقه=تمنع اطنابه سقوطه وتهديمه
والصداقه ماهي اقوال براقه=مير هذا الوقت مكثر مظاليمه
وانت تدري إن المقادير عوّاقه=والقدر محدٍ سلم من مراجيمه
عندنا عبره بصدام وعراقه=حاكمٍ فارض على الشعب تحكيمه
عقب ذاك الجاه والمال ورفاقه=ماسلم من جور وقته وتحطيمه
وصاحبك لاتحكم اليوم بإخفاقه=لايجي في خاطرك منه توهيمه
الضروف القاسيه تحكم وثاقه=وعن خصوص الحال يكفيك تعميمه
شايلٍ مثل الجمل حمل وعلاقه=وصابرٍ في حدود حله وتحريمه
والبنادم بين بلواه وارزاقه=وكل شيٍ عند مولاه تقسيمه
واحمد الله راية العز خفاقه=واثني الترحيب مبدا وتختيمه
( طعم الفواله على فاقه )
راكب اللي سايقه ماثنى ساقه= معجبه عقب الغلا رخص بنزيمه
ابيضٍ يشعى القلوب بتلهاّاقه= مار نص الناس مزرٍ عن القيمه
المراتب جلد ووساع ورقاقه=كنها مجلس كريم لمعازيمه
وعاج طبلونه قدم عين سواقه= كن برّاق الحيا في مقاديمه
ونش..هزّاز.. وعلى سقفه الطاقه= كاملٍ وصفه ولافيه ترهيمه
في شطرطونه قليّل تزيراقه=وفي قزازه عن لظا الشمس تغييمه
ان تفقيتّه يعجزك ملحاقه= وان قفاك يطوف لو ماوصل تيمه
مصنع اليابان زوّّّد من الطاقه= ضاعف انتاجه وطوّر تصاميمه
يعطي الشعب السعودي على اذواقه= لين وصل الحد الاقصى لتفخيمه
قلت يوم انه شعاني تمطراقه= صانع الفكسار في حق تكريمه
يانديبي فوقه النفس مشتاقه= ياعسى دربك تقسّم مغانيمه
رح من الدمام والنور باشراقه= وقبل اذان العصر وانته ورى الزيمه
نحرّه من يكسب الناس باخلاقه= من رجال الدين والشعر والشيمه
بلّغ الطلحي من القلب واعماقه= عد ماذعذع هوى النود تسليمه
طعمها طعم الفواله على فاقه= وريحها وردٍ تفتّح مناسيمه
قله الدنيا كذوبه وبواقه= ماتطاوعله على حسب تنظيمه
والنشامى للمواجيب سباقه= والغلا حبلٍ توثق ملازيمه
ينوصل من شوفته شف وشفاقه= وينقطع من شوفته قاعٍ وخيمه
يابو ناصر هرجة الرجل ميثاقه= والوطا سيله تعقبّته الديمه
راجع التاريخ واقر آخر اوراقه= لايروح شداد ريمه ورى ريمه
ماابتدعناها من الباب للطاقه= الوعد ماهوب صكه وتنعيمه
من نوى بالخير مولاه ماعاقه= وكل خير يبارك الله بتقديمه
يوم ثلثين الشواعير ملاقه= يرسلون لمن يمسسّ مرازيمه
سقت لك من واحة الشعر كم باقه= والمعلم نقتبس من تعاليمه
غن طرقك والطواريق منساقه= واول الطاروق واتلاه تسليمه
طعمها طعم الفواله على فاقه= وريحها وردٍ تفتّح مناسيمه
وهذا ردّي عليها
حي مرسولٍ خذ الفوز بسباقه=في سباق مع النهار وتقاديمه
صبح من شرق الوطن جت به الساقه=خرص بالي ماش راحه وتنسيمه
مسرعٍ والزاد والكيف ماذاقه=صايمٍ حتى يكمّل مراسيمه
فوق صالونٍ مغطّي على ازياقه=ومقدمه لايسفي العج ويظيمه
كنه الصاروخ في ساعة إطلاقه=صح ماقال الدهيمي بتصميمه
يوم جاني باقي الشمس شعاقه=قبل مغربها ولادونها غيمه
فز له قلبي وبادرت بعناقه=وقمت يم الكيف واسرعت توليمه
العماس ابدا بطبه وترياقه=دلةٍ فيها من الكيف تلقيمه
والشبب يقفاة والعود بسياقه=وكل شيٍ بالتراحيب تقديمه
مرحبا ترحيب رعدٍ وبراقه=في السحاب اللي تناشت مراديمه
مرحبا بالذوق من عند ذواقه=قاف جانيبه تشوّق ترانيمه
من صديقٍ لي ربطني به علاقه=من قديم وباقيه دوم ومقيمه
لو تفرقنا والأيام فراقه=مايجي صفو العلاقات تعتيمه
حمّل المرسول من غالي اشواقه=وساق وضحه وإقتفتها مجاهيمه
عقب جتني ماعن العلم مدراقه=لازم اسبح في بحر آقه وإيمه
والله إن النفس ياسعود تواقه=والمشاعر بالضماير لها خيمه
منزلٍ لو تعصف الريح برواقه=تمنع اطنابه سقوطه وتهديمه
والصداقه ماهي اقوال براقه=مير هذا الوقت مكثر مظاليمه
وانت تدري إن المقادير عوّاقه=والقدر محدٍ سلم من مراجيمه
عندنا عبره بصدام وعراقه=حاكمٍ فارض على الشعب تحكيمه
عقب ذاك الجاه والمال ورفاقه=ماسلم من جور وقته وتحطيمه
وصاحبك لاتحكم اليوم بإخفاقه=لايجي في خاطرك منه توهيمه
الضروف القاسيه تحكم وثاقه=وعن خصوص الحال يكفيك تعميمه
شايلٍ مثل الجمل حمل وعلاقه=وصابرٍ في حدود حله وتحريمه
والبنادم بين بلواه وارزاقه=وكل شيٍ عند مولاه تقسيمه
واحمد الله راية العز خفاقه=واثني الترحيب مبدا وتختيمه