أنا والشاعر الكبير ( كديميس السيحاني )

[عبدالله الطلحي الهذلي]

الشاعر / كديميس السيحاني يقول


عـز واليـك يابـرق ٌلنـوره تواشـي=غرب دار الجبيل ومـال يمـة شمالـه
هيض القلب يوم القلب لدن وهشاشـي=غارقٌ في البـداوة ليـن حـد الثمالـه
عاف ركب الحضارة لو بها الكل عاشي=عقب شاف السوانـي و إدّراج المحالـة
المحالة تـدور و دار معهـا النقاشـي=وللسواني صرير و للوقـوف استحالـة
والجديـد ايتجـدد والقديـم امتلاشـي=قلت ابا ارسل ل/عبدالله حروفي رسالـة
بايعين المبادي منهـم الفكـر طاشـي=مدري الكيف في الفنجـال والا البيالـه
شافت العين صورة هيضت غيض جاشي=مهرة الفـارس الخيـال عـزي لحالـه
ساق بنت العبيّة واذعن لهـا الرياشـي=مانهرها قبل فـي المـاد تعقـد حبالـه
كيف سلّم رسنها راجل(ن) جاه ماشـي=مدري اللي حداه الخـوف والا الجهالـة
ماسترها حجاب ولا سترهـا القماشـي=باعت الديـن والدنيـا كـذا بالعمالـه
ابتسامة فرحهـا مـا عليهـا غباشـي=لهفة الشوق في لحظة تحقـق وصالـه
موقفه وانتصاره مثـل زوم النجاشـي=نشوة الفوز قبـل انـه تقفـي رحالـه
واينعت له عذوق (ن) مادخلهن عطاشي=وارتخت هامة الفـارس وثنّـت عقالـه
وش بقى ماظهر ويناش مـا لا يناشـي=بين كفّـة فجـور وبيـن كفّـة عدالـه

وهذا ردي

عز واليك يابرقٍ تلاه الرشاشي=شد قلب المولع لين قام وعناله
من يلومه ليا خايل بروق المناشي=وإعتلى في شداد شعيل واطلق عقاله
إبدويٍ على الجزلات والعز ناشي=كل عزٍ رقاه وكل طيبٍ يناله
كلما ضاق دار وشان فيه المعاشي=مسرعه صفط شراعه وحمّل جماله
شاف ماعاف من علمٍ على الناس غاشي=كان ماالله فرجها حالة الناس حاله
ياكديميس حول النار كثر الفراشي=مير ماهو مطفي جمرها وإشتعاله
لو تضيع القضايا بين مرشي وراشي=وين يلجا الضعيّف يوم يوخذ حلاله
يتبع السنه اللي خايف الله وخاشي=قاله اللي عن الرحمن ورّد مقاله
الحجر للدنيه والولد للفراشي=والشريعه تعرّف كل واحد مجاله
لكن العز باقي مالحقه إرتعاشي=كل نشمي يبا ياقف ويحمي عياله
يطلع الكفو كفو ويطلع اللاش لاشي=والجماله تبا تبقى لراعي الجماله
دارنا دارنا عنها العدوّ متحاشي=في ذرا العزوه أصحاب السمو والجلاله
العدو مايحصل من طرفها عراشي=دونها كل قرمٍ يفتخر في خواله
ودامت إني مغادرها بقطنٍ وشاشي=حي موت الكرام ولاحياة الحثاله