في رثاء الشيخ أحمد ياســـين

[عبدالله الطلحي الهذلي]

قمت من فوق كرسيّك مقامٍ عَجول=تطلب الخلد في الجنه مع الخالدين
أسأل الله يخصك بالرضى والقبول=يدخلَك جنة الفردوس مع حورعين
كيف يرثي صعودك من يعيش النزول=وانت ترثي نزوله من قديم السنين
ليتك انت المقيم وليت غيرك يزول=باقي الروس مايسوون ذاك الجبين
عشت في قمة العليا تقول وتطول=وصرت رمزٍ يزيّن موكب الصالحين
أنت موتك حياةٍ خالده في العقول=يوم غيرك يعيش بعالم الميتين
طلعتك من صلاة الفجر فيها ذهول=للعدو مثل ليثٍ طالعٍ من عرين
ماتحمّل يشوفك في طريق الرسول=رغم إعاقتك ترفع راية المسلمين
انت ماكنت مُقعد وإغتيالك يقول=أنت كنت السليم وكلنا مقعدين
كنت مثل الجبل راسي بعرضٍ وطول=وكلنا من بعدك صغار ومعوّقين