بوك القساااااااااايم

[مشعل الحربي]

سلام رديه بعد جيت لهذيل=اهل الشعر وهل البيوت الحكيمه=
مانقبل الهزله ولانقبل الميل=وهل الخطا تبشر ببوك القسيمه=

[سلمان بن عقاب]

صح لسانك وطاب بيانك يامشعل

[عبدالله بن علي]

الله الله بدع ورد ولا اجمل

يعطيكم العافيه

متابع

[مشعل الحربي]

عسا البقا والنار جمب المعاميل=والخير يالصحاب ربي يديمه=
من عقب غاب الجدي ياخضروسهيل=امست ربوعك يالبقيلي يتيمه=

الله يسلمكم جميع ويعلم الله اكبر شرف اللعب معكم ومروركم والمعذره ياخضر على تاخر الرد لان والله احيان انشغل ماحصل فرصه نبي منكم تعذرونا

[مشعل الحربي]

انت المكلف دام انا ضيف لبقيل=ونت المعزب ونت راع العزيمه=
نور القمر خاسف وهات المعاديل=قاضيك حربي ونت تعرف وسيمه=

[مشعل الحربي]

انته تذكر ثم تجر المواويل=ياخضر كبدك من بعدها سقيمه=
مشوارنا بين بكل المحاصيل=ترا القبه ماسد بطن البهيمه

[مشعل الحربي]

عان الحصيني ياخضر يومي الذيل=بحرمه يالصحاب ونته حريمه=
لوكان نقرا فوقكم سورة الفيل=يطلع معك جنيتينن مقيمه=

[مشعل الحربي]

ونت من اهل الخير والمعذره يااستاذنا خضر البقيلي عن كل كلمه اوقصور باللعب والمقصد تسليه =بالنسبه للبيت مالك لوى بس يمكن مانطقته بالشكل الصحيح على العموم تشرفنا بك وبالاخوان وبالمنتدا الرائع ونشا الله تجمعنا محاورات اخرى على خير ومحبه

[ابو روز]

أخوي (الشاعر ) مشعل الحربي حياك في محلك الثاني فوجودك شرفف لنا
ووسام على صدورنا . وصح الله لسانكم جميعاّ أنت والشاعر خظر البقيلي
فهو كفو أن يكون معزبنا جميعاَ في هذا المنتدى .
ولكن لدينا طلب من الشاعرين هو ان ينسقو مع الأداره محاوره ثانيه
ذات وقت معلوم للمتابعه المباشره لمثل هذا الجمال .
دمت كما تحبون ...

[مشعل الحربي]

هلا وغلا ابو روز ونا تحت امركم والموضوع بيد اخونا خضر انا الليله بعد العشا متواجد بنص ساعه اذا خضر موجود لامانع عندي