من لعينٍ تمنى شـوف غيـّابها

[عبدالله الطلحي الهذلي]

كانت في إستقبال الشاعر الكبير
شاعر المحاوره / خلف الحساني الهذلي
عند عودته من رحلة العلاح التي كللت بالنجاح
والحمد لله


ياسلامي على اللي حاضر الإحتفال=ردةٍ للرجال تعطر أشنابها
قلتها من صفا نيه ومن وسع بال=والتهاني نقدمها ونبدابها
جيت بابوحسن والشعر جاله مجال=من لعينٍ تمنى شوف غيّابها
في غيابك نعد ايامها والليال=نحسب اوقات كنا نهمل حسابها
في غيابك تلد انظارنا للشمال=لين حتى نسينا الناس وغيابها
ويوم قالوا لي إنك جيت زان المقال=قمت اصوغ المثايل واتغنى بها
قمت ارحب وكني واحد من العيال=في حلالٍ نمون إليا حضرنابها
مرحبا في القلوب اللي بها الشوق طال=تنتظر عودتك ياغالي احبابها
مرحبا في العيون اللي تقللك تعال=منزلك بين نون العين واهدابها
شوفتك عندنا شوفة بروق الخيال=يوم يسقي جبال هذيل واشعابها
وفرحة العيد ساعة بشروا الهلال=وقامت الناس تلبس غالي ثيابها
جيتنا مثل نور الصبح ياعز فال=جيتنا والقلوب تفتّح ابوابها
جيت سالم وراح الهم عنا وزال=كل عله وعند الخالق اطبابها
كيف مانحتفي بك وانت وافي الخصال=ماتعد الخصال اللي تحلى بها
كيف مانحتفي بك وانت سيد الرجال=تفتخر فيك كل هذيل واصحابها
نحمد الله كريم والوجه عالي الجلال=ونطلبه يبعد العلات واسبابها
وعد ماهل وبل الغيث والسيل سال=وعد طلع الزهور وفايح اطيابها
ياصلاتي على المبعوث بعد الضلال=حاملٍ ملة الإسلام وكتابها