سلام تسليم الوفا والطيب ننصابه هذيل

[مقلع الضروس]

السلام عليكم ورحمة الله وبركاته .....وبعد
احب اهني الشاعر/ عبدالله الطلحي بمناسبة افتتاح هذا الموقع الخاص به.
وانا من جمهور ابو ناصر ومن متابعيه من سنين طويله واتمنى له التوفيق والنجاح.
اذا كنت فاضي يابو ناصر نبي نسولف ونناقش بعض القضايا المطروحه على طاولة المفاوضات؟!
وياليت يكون مباشر اما حدد انت الوقت او انا واعوذ بالله من كلمة انا احدد الوقت .



سلام تسليم الوفا والطيب ننصابه هذيل=اهل الشعر واهل الكرم واهل الوفا والمرجله

ياشاعر الحكمه عسى عمرك على الطاعه طويل=اما تحل المشكله والا تزيد المشكله

[عبدالله الطلحي الهذلي]

هلا وغلا بك اخوي,
حياك الله في محلك
ووجودك معنا شرف لنا



يامرحبا ترحيبةٍ عذبه سوات السلسبيل=يالشاعر اللي ماعرفت إسمه ولا ديرة هله
أول شروط اللعب قابلني وقدم لي دليل=وإلا بلاش اتعب ركابي والدروب مقفّله

[مقلع الضروس]

تبقا وتدوم..
لماذا لم تحد الوقت؟!

انته خويٍ لي قديم ولي يابو ناصر زميل=واسمي بجوالك ولكن من قشرك مهمله

اليا اتصلنا ماتجاوب من كِبر؟! مدري بخيل؟!= ياكيف فعلك عكس ذقنك يوم ذقنك مسبِله

[عبدالله الطلحي الهذلي]

إظهر على وضح النقا مايختفي غير الذليل=لاتختفي وانته تقول إنك رفيع المنزله
زاملت واجد مير مانال الثقه غير القليل=اللي يريد العز غير اللي يريد المهزله

[مقلع الضروس]

ظاهر وشاعر واحكم الاقوال ماجيب الهزيل=واطلق شنب عليه يالطلحي شنبنا نفتله

اعرفك ماني جاهلك لو تدعي بانك حليل=أقلطك ذوب العسل والسمن وتمد إبصله

[مقلع الضروس]

شاعر الحكمه.

اتمنى ان يكتمل الطاروق اذا كاان لديك فرصه فانت شاعر غني عن التعريف والكل يتوق للعب معك .
وان شاء الله ان تواجدي يكون مثمر ومفيد للجميع لا مصدر ازعاج وتنفير فالمقصد احياء المنتدى فقط....


منتظرك!!
.

[عبدالله الطلحي الهذلي]

لو كنت ظاهر بنت في عز الضحى وإلا بليل=لكن قرينا خط ماندري من اللي مرسله
مانقبل إلا محكمه تنصف عميلٍ من عميل=القاضي اللي مايحضّر خصمنا مانقبله

[مقلع الضروس]

يكفي مادامك بنت والا صاحبك عابر سبيل=اصبر عليه ولاتطرطع مثلكم يتحمله

ضيعت صحبتنا وضاع العرف يالشيخ الجليل=باسباب كبرك والتغطرس والعلوم مطوله

[عبدالله الطلحي الهذلي]

يكفي مادامك بنت والا صاحبك عابر سبيل=اصبر عليه ولاتطرطع مثلكم يتحمله

ضيعت صحبتنا وضاع العرف يالشيخ الجليل=باسباب كبرك والتغطرس والعلوم مطوله


صدقت يكفي

شكراً لك