لـز خيــلك لـزها

[عبدالله الطلحي الهذلي]

انا لقيت اللي عن الأنذال نفسه عزها=يرمونه الأنذال والرب الكريم يخارجه
إلى متى نفسك على شين النفوس تكزها=تهرج معك في الغايبين وفي غيابك هارجه
اترك ملاغاة السفيه ولز خيلك لزها=مادام راضي ياكل الحرجه عليش تحارجه
والموعضه لاشك ماكل القلوب تهزها=كم من قلوبٍ عندها كل المواعظ دارجه
وإن كان في خاطرك حاجه في ضميرك وزها=ورزقك على اللي عالم اسرارك وهمك فارجه
وإحذر من اللي لاعرف سر القلوب إبتزها=والسوق لايخدعك بانواره وكثر بهارجه
وتفقد الخامات وإعرف جوخها من خزها=ماكل سلعه يوم تشريها تجيك مخارجه
كم سلعةٍ ودك على اول من يسوم تجزها=لكن تروح السوق بالعرجا وترجع عارجه
ولينّها مثل المراره لو بغيت تحزها=إن كان ماتخرج ببعض الكبد ماهي خارجه