امســـيآت المحاورة الخاصة بمنتديات شاعر الحكمة

[أبو ملكـ]

الســــــــــــلام عليكم ورحمة الله وبركاته

بعد الصــلاة على سيدنا محمد وعلى آله وصحبه الكــــرام ،، سيتم هنا طرح آمسيــات المحاورة بعد التنسيق مع الإداره ،، وللأمانه هناك من ساهم في تنسيق المحاورات لكي تظهر بالشكل الميسر للأطلاع والقرائه لذلك اود شكر من ساهم في هذا التنظيم من أعضاء ومشرفين متميزين داخل هذا الصرح الشامخ .


آخيرا اتمنى من زار هذا المتصفح الأستمتاع مع شعراء المحاوره بالمنتدى وسيتم تحديثه مع كل محاوره بعد تنظيمها والحفاظ على المحاوره الاصليه وستطرح هنا فقط بعد التنسيق.......







اخـــــــــــــوكم / ابو ملكـــ

[أبو ملكـ]

حميدي الثقفي و عبدالمجيدالزهراني


20/12/1430

عبدالمجيد الزهراني



من فيض برد الغبش هات الحداثه هنا=محارورة صوتها يدوي وهي تمتمه
سلام برقه يشق الغيم قبل السنا=على الحميدي وعصفورٍ نهض من فمه

الحميدي الثقفي


يامرحبا تروي العطشان شربة هنا=وظروف الأنسان بين النقص والتمتمة
ياصاحبي والزمن يومين فقر وغنا=بس اليد العالية خيرٍ من المعدمة

عبدالمجيد الزهراني


تعال من ( شاطي الراحة ) لشاطي العنا=اثوابنا يارفيق الدرب متكممة
مدام غيم الحميدي من عيوني دنا=ماهمني وجه شعري وين با يممه

الحميدي الثقفي


زل الطرب لاتغني لي على الميجنا=من وين أجي لك دروبي كلها مبهمه
هزيت جذع القصيد ولاتساقط جنا=تعال اعلمك ماتجهل وماتعلمه

عبدالمجيدالزهراني

اللي لهم مولهم,واللي لنا مو لنا=واذا تبي تفهم الواقع فلاتفهمه
بنات فكر الزمن هذا بنات الزنا=المسلمة كافرة والكافرة مسلمه


الحميدي الثقفي

ياصاحبي هاكذا الايام هدم وبنا=لابد تلقى يدٍ تبني يدٍ تهدمه
ما غير انا وانت محدٍ غيرك أنته وانا=أثنين من تنصف الدنيا ومن تضلمه

عبدالمجيد الزهراني


ماقلت لك فالك (البيرق) وفالك غنا=(السامر)أنفض بالفصحى (وبالترجمه)
الحكي مافادنا والصمت مافادنا=حفرت بير الكلام وفاتني زمزمه

الحميدي الثقفي


لو مرت الريح تحني راسها منحنا=راسي ومن ينحني للريح ماترحمه
ياصاحبي والقصيد الحر مثل الضنا=والناس ماتعطي بنادم ولاتحرمه


(القاف الثاني)

الحميدي الثقفي


مرحبا هيل من صوتٍ عليك استماعه=أن عقدنا نحل ولاتحلل عقدنا
اختلفنا مع الايام والعمر ساعه=أن رقدنا صحيتو وأن صحيتو رقدنا

عبدالمجيد الزهراني


وجه يخلع قناع ووجه يلبس قناعه=والزمن ضربته ماعلّمت في جسدنا
أن ولدنا جياع بدون نلقى مجاعه=أن ولدنا وياليت أننا مانولدنا

الحميدي الثقفي


ياحليلك ليا ضاقو عليك الجماعه=وعلن الشيخ هذا (الولد) ماهو ولدنا
مايموت المريض الا بضعف المناعه=يابلدنا ونارك جنتي يابلدنا

عبدالمجيد الزهراني


كل أنسان له مبدأ وعنده قناعه=والحميدي يضيعنا التعب لااجتهدنا
انت تلوي ذراع اللي مضيع ذراعه=شكلنا ثنين لكن ماعرفنا عددنا

الحميدي الثقفي

المهاجم ليا سجل بمرمى دفاعه=لايجي قبلنا ولايجي من بعدنا
.ماغرق مركب البحار رافع شراعه=برقنا ياطويل العمر يسبق رعدنا

عبدالمجيد الزهراني

أيه صيّع ولا نبغى نبطل صياعه=المهم أننا للناس ماقد سجدنا
.نخرج الجبن من كم الشرف والشجاعه=وان دخل خوفنا في بيتنا ماقعدنا
الحميدي الثقفي

أنت رجال ضايع راس ماله ضياعه=اقصر أيدك ولا بنحط يدك بيدنا
مانبي نشتري دور لسوقك بضاعه=والله انا نموت ولانخون بعهدنا

عبدالمجيد الزهراني


منت جدي ولاني أخ لك فالرضاعه=بس شربنا من أيد الحزن لين أنحسدنا
أنت موجدود فعلاٍ أو مجرد اشاعه=ليتنا الساعة ( 12:5) رقدنا



مــــــلاحـــظه
الاخوه الاعضاء هذه النسخه مثبته للاطلاع فقط الردود على النسخه الاصليه
[/quote]


[align=left]

[أبو ملكـ]

محاوره مباشره بين الشاعرين
عبيدالله المجيريش و مهل الرياحي
يوم الاثنين 20-12-1430

عبيد الله




مرحبا ترحيبةً بقدومها بارق وماطر=لو يصيب الديره اللي ممحله يجلا محلها
الله اكبر كيف تاكل يا السفر زاد المسافر= كل ما جاب المسافر لقمته شمر واكلها

مهل


البقا للعزوة اللي مايهابون المخاطر=دارهم من ماضي الايام ماواحد نزله
أحمد الله وشكره ماكلت زاد أحمد وعامر=والبيوت العامره ماكل رجالٍ دخلها

عبيدالله



الليالي بارده ومجوعه والجوع كافر=وانت شفت البرد يبس تمر بيشه في نخلها
موت الانفس عندي اهون شيء من موت الضمائر=والجسدمثل الخليه يوم فارقها نحلها

مهل


كل ديره بردها ياشاعر الهذلان دامر=أن طلعتوا في جبلها وان نزلتوا في سهلها
ربنا قادر ولاغير الله المعبود قادر=خالق الانسان والانفس يجازيها بعملها

عبيدالله


ماامتحنا يا الرياحي غير عميان البصاير=تاخذ اجنيهاتنا عنوه وتعطينا هللها
والله اني مابغيت امشيك ياشمس الظهاير=ماطلبت الاوله والثانيه قد حل اجلها

مهل


لايهمك ياعبيدالله تبا دور الدواير=فوقهم والناس مانحسب رضاها من زعلها
انت تمشي في الظهيره والعرب تبني عماير=والعلوم الاوله والثانيه ماحدٍ جهلها

عبيدالله


والله انا ماحسبنا ريشةً في اجناح طاير=القلوب اقلوبنا للدرب مشتاقه وولها
من يشيل الميته بين المغاسل و المقابر=والمقابر مايعرف اسرارها الا من وصلها

مهل


أحسب احساب العلوم الاوله واحذر تغامر=لاتغامر والامانه ياالهذيلي من حملها
من يشيل الميته ماهوب في دنياه حاير=وان عطاه الله كفل ناسٍ ماواحد كفلها

عبيدالله


شبت النيران شبت في ثياب ام الكباير=لو تروح لصحة الالمان ماتبرى عللها
الله اكبر يا المسافه مبعده والحمل جاير=كل ماتجهز حمول اشعيل نوخ وانتقلها

مهل


كان حالوايعميلي دونها زحول الهواجر=والله هن تبني على الشاطي يابو سامي فللها
الله اكبر يوم افكر فالمذاهب والسواير=المذاهب والسواير ياعميلي وين اهلها


مــــــلاحـــظه

الاخوه الاعضاء هذه النسخه مثبته للاطلاع فقط الردود على النسخه الاصليه

[/quote]

[أبو ملكـ]

سحمي الغامدي وابراهيم السفياني


26/12/1430


سحمي الغامدي



سلام مني على ابراهيم والحاضريـن=ازكى من الورد واحلى من مذاق العسل
جينا على الوعد يوم انّا مع الغانميـن=ناخذ ونعطي المعاني بين نقض وفتـل

ابراهيم السفياني


يامرحبا واقلطوا ونمدكم بالثمين=ترحيب والحر مايعشق يكود الجزل
جيتم على الوعد واحنا قبلكم محتزين=والشعر من بعد ما جيتوا حضر وامتثل

سحمي الغامدي

الك البقى يامرحّب والسوالف تبين=ان كانها صادقه والجد غير الهزل
ماينعذر غير من جانا بعذر ن سمين=فسر لنا يا صبي سفيان شلّي حصل

ابراهيم السفياني


ان كنت راعي سوالف يالغلام الفطين=انته تقوله وآنا في القول اثبت فعل
حنا انشغلنا مع اللي جاء قبل ساعتين=عن رجل مدري يسمى رجل ولا خبل

سحمي الغامدي


ماقد خذينا يابو وافي من اللاش دين=قربك من اهل المعالي يرفعك عـ الهمل
انا وانا اخوك عندي فـ النوايف عرين=ياكيف تبغاني انزِل مسكني فـ السهل

ابراهيم السفياني

حنا سمعنا وشفنا والعرب شايفين=افهم وركزّ وسددها تجاه المثل
الشوك ماعمرنا نجني من الشوك تين=وانت ياسحمي نطقت بكلمة ماتقل

سحمي الغامدي


لا تخلط المر بالحالي يابو هرجتين=اصرف ذهب يوم غيري يصرفون الهلل
اعطيك علمي بحجه تبهر الفاهمين=وتجي تقول ابن هادي ياهل الخير ضل

ابراهيم السفياني


ياسحمي الغامدي هونك ياذرب اليمين=اليا تقّويت ماتقدر تهدّ الجبل
حّنا عطيناك علم ابلج ونور مبين=زلّيت عن علمنايوم انت تمشي عجل

سحمي الغامدي


طريقتك ياصبي سفيان فـ الغابرين=الها مؤسس وجمهورن يدق الطبل
الحين حنا عيال اليوم مد اليمين=عشان نمشي سوى ويبان راعي الزلل
ابراهيم السفياني


حنا نحسب ولدكم رجل تقوى ودين=واثره يغني على القيتار شعر الغزل
ياغامد اللي عرفتوا منهج المسلمين=انتم تقولونها من عرف ولاّ جهل



مــــــلاحـــظه

الاخوه الاعضاء هذه النسخه مثبته للاطلاع فقط الردود على النسخه الاصليه

[أبو ملكـ]

ابراهيم السفياني و خضر البقيلي الهذلي

20/11/1430


خضر البقيلي


مرحبا من هجوسا ساهره ماتنـام=دامها تحت حكمي واعرف اعلومها
قبل عيد الضحيه بعد شهرالصيام=ليلت(ن) من سماها طاحت انجومها

ابراهيم السفياني



البقا من هجوس الطيب ارد السلام =ردة(ن) تاصل اهل الدار وقرومها
لو تطيح النجوم من السما ياسلام=زانت الملعبه واعلنت مرسومها

خضر البقيلي


الوفا والمكارم من سلوم الكرام=وانت من عزوتا(ن) ماتترك الزومها
احتزم ياوسيع المعرفه بالحزام=والهدف بين معطاها ومحرومها


ابراهيم السفياني


الوفا سلمنا لاهل المواجيب لام=عزوتي سادة العراف من يومها
احتزمنا وولمنا الصفر والحسام=لجل جزله تشوش الراس ونرومها

خضر البقيلي


انتبه لاتخالف ياعميلي النضام=لوم نفسك قبل لا اضيق والومها
وفي الكيل لاهله بالوفا والتمام=فرق مابين ضالمها ومضلومها

ابراهيم السفياني


مامشينا الدروب الي تجر الملام=حشمة للرجال الي على سومها
منبر اهذيل كان الي عليه الزحام=قبل لاتبكي العذرا سبب شومها


خضر البقيلي



لابقلك حلال ولا بقلك حرام=وانت تعرف طباع القوم وسلومها
عارفين القصور وعارفين الخيام=في يدينا وثايقها وبختومها

ابراهيم السفياني


اعرف اهذيل تاريخا عزيز المقام=واعرف اللي يضد القوم ويسومها
والله انا لنا منزال ذروة سنام=كيف تدخل خيام البدو ودحومها

خضر البقيلي


محتمين المواقف من جنوب وشام=وان سرينا اليالي نفرك اخشومها
مانت باني هرم ياصاحبي من عدام=منزلي قصر والخيمه لمحمومها

ابراهيم السفياني


الليالي لها شلفا تقص العظام=وانت دوبك تصحي الحضر من نومها
انت ساكن قصر واتلى القصر للهدام=فوق جرف هيال يميل اعزومها

خضر البقيلي


قبل تهجم عليكم قوة الاقتحام=ثم تخلي مزارع عوف من ثومها
كاتبين الروايه قبل عشرين عام=حددو لك عفارتها ويشمومها

ابراهيم السفياني


اعدل السالفه ولا عليه الحرام=لازهم هذيل عايشها ومرحومها
انت حلمك في يد مفسرين الحلام=لاتعرض حياياها وزقومها


مــــــلاحـــظه

الاخوه الاعضاء هذه النسخه مثبته للاطلاع فقط الردود على النسخه الاصليه

[أبو ملكـ]

يوم الثلاثاء الموافق9/4/1431هـ


خضر البقيلي

الاوله يامرحبا بسم صرحا يرفع الراس *** فيه الثقافه والشعر والادب والعز والطيب
والثانيه مابين بنك الغنا وبنوك الافلاس***فروق ياناصر ونبغى نناقشها بتريب


ناصر المرشدي
الاوله دام البقاء من رحابة صدر واحساس=فالمنتدي اللي ماحوى في مباديه العذاريب
والثانيه لولى التفوق ترى (مايعني الكاس)=والناس تتعب والتتوافيق للي يعلم الغيب



خضر البقيلي

ترى التفوق له معايير يارجال وقياس**** يقوله الي عارضه ياالعتيبي غزه الشيب
المشكله في الي يدندن على طبله ومرواس**** خلف الضيوف الي تشرف على صحن المعازيب


ناصر المرشدي
على معايير التفوق يبين الفرق فالناس=يالشاعر ياللي ينقل العرف بلسان التجاريب
ماكل هوجاسِ يطابق تردد كل هوجاس=الا بعد مشوار الاقلام فخطوط المكاتيب

خضر البقيلي
مايحسب احساب الزمن من بنا بيته على ساس**** وبيتا بليا ساس ماجوده كثر المناسيب
صطوة كليب اغتالها ياعميلي عزم جساس*** والزير سالم خطها وسم في عوج العراقيب

ناصر المرشدي
ثوب الحقيقه خير مايقتنيه العاقل الباس=والشمس تشرق ثم تكشف لنا المستور وتغيب
لو كارثة جده ماصار ت ماجاء فالناس وسواس=بس البلاء فاللي يعدي على روس المراقيب

خضر البقيلي
ثوب الحقيقه والعداله ترا لرجل نوماس**** والمرجله مانالها غير عكفان الاشانيب
لاباس ياراعي المعاني عسا ماشر لاباس**** لاتعترض حرا شهر في السما روس المخاليب

ناصر المرشدي
احذر تعطرك الليال الاخيره (عطر ابو فاس)=والمنهج الواضح يجنبك درب الشك والريب
ياخضر ويش تقول لو يقرب الكهرب من الماس=تدحم بجنبك جنب والا الك عن ماقلت تجنيب






[/quote]



مــــــلاحـــظه

الاخوه الاعضاء هذه النسخه مثبته للاطلاع فقط الردود على النسخه الاصليه

[أبو ملكـ]

محاورة الشاعر عمر الخالدي والشاعر عبدالله الطلحي

يوم الثلاثاء 16/4/1431هـ



عمر الخالدي
ياسلامي سلاما فيه كـر وفـر
..................... والمطاليق ماتجهل عناويـنه
غصن يابس على الشاطي وغصن اخضر
................ والبحر يدفع امواجه على الطينه

عبدالله الطلحي
مرحبا عد ما نو الخريف أمطر
.................... في محلٍ عن الزلات حامينـه
عادة البحر من خيره يغيث البر
...................... لكن البـر مايرحـم مساكينـه

عمر الخالدي
اعتدل يابو ناصر وانتبه واحذر
....................... كل عنبر يطلع لك مجانينــه
عدل العوجه اللي فيك لاتكبــر
.................... كان طاح الجمل تكثر سكاكينه

عبدالله الطلحي
ياعمر لاتحدى وانت ماتقدر
........................ لاتذكرني الطوفان وسنينـه
إحمد الله مدامك تهبط البندر
....................... كل سوقٍ تقضّى من دكاكينه

عمر الخالدي
اثرك ادهى من اللي مرنا وامر
.................. تنخل الحب وتكسر مواعيـــــــنه
دم ابو زيد يغلي في العروق احتر
..................... وانت مصاص دمه من شراينه

عبدالله الطلحي
ننثر الحب في الصبخه ولايظهر
................... لو من السلسبيل العذب مسقينه
وإثر أبوزيد لامنه شبع يبطر
..................... مايرى نعمة الله شيّ في عينه

عمر الخالدي
قاضي الحق لن ماتاب واستغفر
.......................... مايفيده عمل دنياه عن دينه
تحسب انك نهار الحشر ماتحشر
........................ كل شي مسجلته موامينـــــه

عبدالله الطلحي
قاضي الحق قام وقفّل المحضر
.......................... من يلومه بعد قرر موازينه
لكن المشكله من نظرة الأعور
.......................... ما يميّز يسار الدرب ويمينه

عمر الخالدي
مشلح الجعفري حطه على جعفر
....................... واحتلب ديس فاطر من مزاينه
كل ماقال له كلمه على المنبــر
........................ قالت الناس هذا الشيخ يازينه

عبدالله الطلحي
ختم السالفه بالمسك والعنبر
.................... وإلحق الفرض صله مع مصلينه
إن تماديت سلمناك للمخفر
...................... نحرمك من شفاك ومن بساتينه

[أبو ملكـ]

يوم الثلاثا 23/3/1431

حسن مضيف الطلحي و عبدالله بن علي





البدع / عبدالله بن علي

ياسلام عليكم ياهل التكميل ×× من يجازي هل الحسنات بالسيه
موتر البدو بوش في طريق السيل ×× جاتنا من مرور السيل برقيه




الرد / حسن بن مضيف


مرحبا من رجال يعدلون الميل ×× مالبسنا ثياب العز عارية
جابوا موتر بدالة يقدر التحميل ×× و ابسوقة معي رخصة عمومية



عبدالله بن علي



ربعي اهل الحميه متعبين الخيل ×× اهل بن(ن) وهيل ونارهم حية
منهو اللي عطاك الرخصة نص الليل ×× عمموها بعد كانت خصوصية



حسن بن مضيف

نعم في ربعك اهل البن واهل الهيل ×× وانا ربعي تجيب الزود في الهيه
والله اني رجل ماني كماك حليل ×× وانته ابعين طبعك شابح ن فيه
عبدالله بن علي

من حدود المدينه جيتنا ياسهيل ×× فيك من خلقة الهندي أمــاريه
أنت سنك صغير ماتوفي الكيل ×× ليتك العام معنا في الحناكيه

حسن بن مضيف
والله اني سعودي من رجال هذيل ×× يشهدون العرب ماخذت جنسيه
انت قلبك كبير ن مثل كبر الفيل ×× مير ليم علومك واحسن النيه



عبدالله بن علي
طال ليلك واشوفك بين حط وشيل ×× ليش للشمس تطلع وانت في الفيه
من يقول البحر يشبه لنهر النيل ×× مانته بمثل ابو مشعاب والعيه
[/align]

[أبو ملكـ]

يوم الثلاثاء 28/4/1431هـ

عبدالله بن زربان و ابو عبدالرحمن



عبدالله بن زربان


يا سلامي لقيفن ما توارا
ف الخطوط الامامية تقدم
حزة اللاش ما يلقى شفاعة
يوم هاذا يكيل وذا يدني

زند ميت وعيا لا يشي له




أبو عبدالرحمن


دامنا ننقل الشيمات وآرى
والمنيمس رصاصه ينتق الدم
صاب راس العدو واللاش فاعه
وانت ياللي بكيدك رايدني

شف لغيري عسى عني يشيله




عبدالله بن زربان



يوم قلنا معاكم بنتبارا
نزرع البر والا حب سمسم
غير ما فالبلاد الا المجاعة
شيخ شيعي يحدث عند سني

كيف بالله يرجع ينتحي له




أبو عبدالرحمن


ياعميلي اذا ما بنت بآرى
الله يكفيك هم وشر سم سم
كيف حال الذي يشكي وجاعه
طاح ما بين ناب وبين سني

قال مالي بهذا العنت حيله





عبدالله بن زربان


انحن ما بيننا مالعام ثارا
لو نصفيه ما دمتم حضرتم
والوصل خير من بعض القطاعه
هاك مني ورد العلم عني

كل ماهل ما يلقى مسيله




ابو عبد الرحمن


كل بندق جديد الها مثارا
صلح بين البدو واهل الحضر تم
والله ما كل راعي شور طاعه
الله كم عين بكاها المعني

بذها النوم وادموع(ن)مسيله





عبدالله بن زربان


تهت ما بين طلعة وانحدارا
والوفا سايرن منا ومنكم
نهبط السوق ما نلقى البضاعة
كان ظنك موافق حسب ظني

لا تجي له ولا حنا نجي له




ابو عبدالرحمن


حيّد اهل البخاله وانح دارا
مايسالون سعر اليوم من كم
يوم خلي لهذا القلب ضاعه
حسبه الله راح ولا حظني

ازرع البر ويعود نجيله




عبدالله بن زربان


انت ما عندك انهارنتجارا
لو ملكتم كثير ولاملكتم
حل عن الضيق وانزل فالوساعه
لا يزاحمك ذيب وراسجني

وان زحمك الزمان انصىبجيلة




أبو عبدالرحمن


صدّر الزمل ودموعي تجارى


كم لي اصبر على بلوايواكتم
لاجل نحظى معك يالحلوساعه
ليش في عينه الحوراسجني

صوب اجيال يوم انصابجيله




عبدالله بن زربان


يا هني الذي صلى وزارا
عند قبر الرسول وما تندم
والوعد للذي حبه واطاعه
حوضه اللي لغايات التمني

من شرب منه فايز بالجميله





ابو عبد الرحمن


يوم غرنا على راعي الوزارا
بعد ذيك المعارك ما تقدم
استمع شور نجادي وطاعه
نشرب الموت والطولا تمني
نعدل الحمل ليما راج ميله

[أبو ملكـ]

يوم الثلاثاء 6/5/1431هـ
محاورة الشاعر مهل الرياحي والشاعر فهد البقيلي



البدعه
فهد البقيلي
يامرحبا ياهلا في كل ليله ويوم .... في منتدى شاعر الحكمه ودكتورها

دام الرياحي مراسل عن قناة البقوم .... وش حجته عند مخرجها وجمهورها

مهل الرياحي
دام البقا من رجال المعرفه والسلوم ....... عبر الفضاء وأحسب الايام وشهورها

جاك الرياحي ويبغا منك سرد العلوم ........ ياراعي الحله اللي ماطفا نورها

فهد البقيلي
كنا نعد النجوم ونهتدي بالنجوم ........ واليوم دنياك تقنعنا بميسورها

مادام غاب المدافع من يرد الهجوم ....... في ليلة يذبح التجار مخسورها

مهل الرياحي
لعل من يقتدي في النجم حظه يقوم ...... يصل بعيد الدير ويشيد قصورها

ان غاب قرم الرجال تسد عنه القروم ...... دنياك ياصاحبي مانشتكي جورها

فهد محمد البقيلي

نشر ي ونبتاع ماحنا من الي يسوم .... وأديار مالي بها مصلوح ما أزورها

مافيكم اقصور والومه على الي يلوم ..... جود حزامك وقص الأرض وبحورها


مهل الرياحي

ندري وقسمك لعله من خيار القسوم ..... والقلعه اللي تبنا شيدوا سورها


توصيي اللي على الشدات عنده عزوم ...... ماهاب من غابت الوديان ونمورها


فهد البقيلي

ساس البنا ساس وثقناه ضد الخصوم ..... مانلتفت في شعاب الأرض وطيورها


ياجعل جهدك على الشدات دايم يدوم .... وتكابد ايامك العسرات و ضمورها


مهل الرياحي

ياشاعر بقيل لعك تسد اللزوم ..... وتمثل بقيل لاجاء يافهد دورها

حنا ترانا بخير ولاقلتنا الهموم ...... ان مثل اهل الوفاء ونجبر كسورها

[أبو ملكـ]

يوم الثلاثاء 13/5/ 1431

الشاعر " ابو التراحيب الهذلي " و الشاعر " بن مرشود "

ابو تراحيب
مرحبا عد ماذعذع نسيم الهبوب××× في محل الوفا ىوالعرف والمرجله
ودنا اليله نسري في طوال الدروب×××في دروب الوفا سلم الوفا نقبله



بن مرشود
البقا والوفا والطيب يمـلا القلـوب×××والرسائل على عنوانهـا مرسلـه
انتظرنا الشروق وجا بوقت الغروب×××مار يالله تعوض بخير في المقبلـه




ابو تراحيب

السوالف تجي من كل حدبا وصوب ××× مير ابقرا عليها صورة الزلزله
رزقك ابتاخذه من شام والى جنوب××× لاتعجل وتخسر عالي المنزله




بن مرشود

كان والياك في ربعك هذيل محسوب××× ماكسبتـه مـع الايــام لاتهمـلـه
انت ربعك هذيل وربع اخوك الحروب×××وبيننا من قديم الوقت عرف وصلـه






ابو تراحيب السالمي

المراجل ترى ماهي بنفخ الذروب××× اسمع العلم والى طلعه نزله
دورتا باالرحا تطحن جميع الحبوب ×××وانت مافي يدك حيلة عمل تعمله





زايد بن مرشود

ياتراحيب واجهني وكـب الهـروب×××بندقي في يدي والرمـي فـي مقتلـه

وانت رايح تعزوى دوب يادوب دوب×××كيف ابصرف جنيهي وانت معك هلله

[أبو ملكـ]

يوم الثلاثاء 20/5/1431هـ


الشاعر عبدالرحمن مساعد والشاعر نايف خالد


عبد الرحمن بن مساعد


سلامي سلام (ن ) يشمل الحاضرين من الرجال

في سلم الرجال وفالقوانين.. رفرف ياعلم

ولا ياعميل الخير مال الحمول الا الجمال

لكن انت مدري كيف ومنين ..رفرف ياعلم




نايف خالد



هلا مرحبا ترحيب وافي ويوصل للكمال
بعد ماجمعنا الطيب الاثنين رفرفياعلم
يبا يتعب الطرقي وهو ماجمع له راس مال
ولن كان تنشدني تبا تبينرفرف ياعلم



عبدالرحمن مساعد




يدوم البقا ياللي ترحب وترحيبكـ خيال

وبعطيكـ كلمه بين قوسين .. رفرف ياعلم

الي شرهة ن تنصاكـ ياللي تلبست العقال

خلطت الذهب بنحاس مسكين رفرف ياعلم



نايف خالد




يقولون شكرك يالكرامه على صفر الدلال

واجاوبك في الكلمه بسطريين رفرفياعلم
وانا شر هتي تلحقك يلي تباري للطوال

ولكن مقفي ضمن مقفين رفرف يا علم



عبدالرحمن مساعد




امد اليمين الغانمه وانت مديت الشمال

ويشهد على قولي هل الدين.. رفرف ياعلم
انا ماالتفت يكود للي يجيبون الثقال

رجال (ن) ترجح في الموازين رفرف ياعلم




نايف خالد




ترا الي يحايل في البلد مانفعه الاحتيال

وحاضر بحاضر مانبا الديين رفرفياعلم
وانا اقول ماباقي على الحمل ياكود الحبال

وهذي لكم ياخوكتمريين رفرف ياعلم



عبدالرحمن مساعد




ترى اللي يحايل في البلد حطكم مضرب مثال

لمن يعتبر ويشوف بالعين .. رفرف ياعلم

نجيب الحبال ولاعلينا عسى فيكـ احتمال

بعد ما بركت اتشيل هاالحين .. رفرف ياعلم





نايف خالد




ولا واوجود الممتني شي صعب (ن) في المنال

تضيع الشباري قدم مرتين رفرفياعلم
انا مابعسف الي ليا شال حمل وسار مال

ابربطه في مبركه ويزيينرفرف ياعلم

[أبو ملكـ]

محاورة يوم الثلاثاء 27/5/1431
سامي حامد الطلحي و خالد عبدالرحمن الخالدي


البدع الشاعر // سامي حامدالطلحي

يا مرحبا في منتدى الحكمه على حسب السلوم ********* المنتدى الي ذاع صيته واعتلت شعبيته
في الليله الي مايكدرها عسام ولا غــيوم ******** نور القمــر فيها كما الاصباح بانت ضيته


الرد الشاعر // خالد عبدالرحمن الخالدي

دام البقا يامنتدى الابطال واصحاب العزوم ==== وإلنا الفخر وإلنا الشرف في زيارته وتحيته
لن كان جوك منجلي عطنا من اخيار العلوم ==== والخالدي يفرض على نور القمر شخصيته


الشاعر //سامي حامد الطلحي

الخالدي خالد وصل حد الثريا والنجوم ******* قلنا يا جعل أيامه الحيه تعوض الميته
لكن بَعَد يومين حول من طويلات الرجوم***** والعلم مع خالد يجيب العلم وش سريته


الشاعر// خالد عبدالرحمن الخالدي


أنا مقامي معتلي في كل ليل وكل يـــــوم ==== ماهمني وقتاً على العــــالم تقلب نيته
ماني معارض للقدر هذا نصيب ومقسوم ==== وأيامنا الجايات ماندري ياويش مبيته

الشاعر // سامي حامد الطلحي

الوقت قاسي والمراجل مال في يدين الخصوم******واللي يصل للطيب يدهن شاربه ولحيته
ايامنا من عسرها تترك على العالم وسوم*****ماترحم اللي عن ثيابه ما تعدت فيته

الشاعر // خالد عبدالرحمن الخالدي

بنشدك ياسامي عسى عزك مثل عزي يدوم === العقل فعقال الفتى وإلا تحت طاقيته
حنا بغينا وقفتك وانته تزيد إلنا الهـــــــــموم === يالطلحي الـّي ماعرفنا حسنته من سيته
الشاعر// سامي حامد الطلحي

يا صاحبي قسمي مع العراف من خير القسوم*****والعقل يكشف زايف الموضوع من شرعيته
ياطير ياللي لك ثمان سنين في عرشك تحوم *****أنا ترى ماني وكيل ادم على ذريته


الشاعر خالد عبدالرحمن الخالدي


مافيك شك ولا نقول أنك مع الناس أمهظوم ==== لو تحسب النسبه في إجابيته من سليبته

أكبر مصيبه لو نرى وكر الصقر ساكنه بوم ==== لــو أنهــا جنسيتــاَ أمشــابه جنسيتـــه

[أبو ملكـ]

يوم الثلاثاء 12/5/1431

الشاعر فوزان بن مضيف و الشاعر خالد ساعد

خالد ساعد
سلامي تسليمة وفا راعي الوفا يبغى وفا
ياليت من يجهل درا ...ياليت من يجهل درا
الباخرة وسط البحر والسيل ينحت في الصفا
ياذيب لاترجع ورا ....ياذيب لاترجع ورا

فوزان مضيف
يا مرحبا ترحيبتاً تمشي على وجه وقفا ****
والجاهل اللي ما قرأ..... والجاهل اللي ما قرأ
الباخرة غرقت وسبتها من اعقول اضعفا ****
عليهم الله أكبرا ...... عليهم الله أكبرا


خالد ساعد
دام البقا والفارس المغوار مايوم اختفا
والناس ماتدري اش جرى...والناس ماتدري اش جرى
هذيل ديرتهم من الزيمه لياحد الشفا
والقوم ذابحها الكرى...والقوم ذابحها الكرى

فوزان مضيف
أنا على صهوة جوادي معي سيفاً مرهفا ******
علم به اللي ما درى .... علم به اللي ما درى
واعتيبة الهيلا تقول احنا خوال المصطفى ******
اعلوم صنعت من غرا .... اعلوم صنعت من غرا

خالد ساعد
من ياخذ المجنون والمهبول صاحب وحلفا
يصبح مباع ومشترى ... يصبح مباع ومشترى
لا والله الا شبت النيران في عود السفا
وانا ترى منهم برا ... وانا ترى منهم برا

فوزان مضيف
إن عاش محدن لايمه وإن مات ماقلنا أفا ******
يلقى نكير ومنكرا .... يلقى نكير ومنكرا
والشلة اللي طبلت لحسين مــاهم بـــعرفا ******
إقرأ عليها ألم ترا .... إقرأ عليها ألم ترا


خالد ساعد
الله على قايد يقود القافله ويصرفا
شجاع والساري سرى ... شجاع والساري سرى
العاقل اللي يااخذ المقسوم في الدنيا وكفى
ماهو بمقطوع العرى ... ماهو بمقطوع العرى


فوزان مضيف

امعمر الليبي يبى الشهرة بخط مولفــا ******
مرة أحمرا ومرة أخضرا .... مرة أحمرا ومرة أخضرا
يا خالد المعروف روح مع ثلاث ملقفا ******
أصـــم وأبكـــم وأعـــورا .... أصـــم وأبـــكم وأعـــورا