سؤال ........؟

[ابو عبدالرحمن]

البدع/ابوعبدالرحمن
ياسلام الله على من عمها شرقا وشام
نال كاس الفوز بالدعوة بحكمة واقتدار
ياوجودي يافنون الشقر ما جا لك وسام
في المثل من طول الغيبات جاب لنا الغنايم
اعطنا مما عطاك الله نصيفه واربعه

[عبدالله الطلحي الهذلي]

عاش من كفه على خد العدو عقّب وشام
ماتغير موقفه حتى لوإن الوقت دار
إن لقا التاجر بضاعة غالية قلّب وسام
دوّر الغالي وسجل كل صاحي وإلغ نايم
قد ماتقدر تخطى كل حاجز وإربعه

[أبو ملكـ]

الله الله


نواصل الإبداع مع نجوم الشعر


عبداللــــــــــــــــــــه الطلحي
و
ابو عبدالرحمن

[ابو عبدالرحمن]

شكرا استاذي الكريم(ابوملك)على المرور الكريم والمتابعة منكم شرف لنا

[ابو عبدالرحمن]

قدركم ياصاحب المعروف والربع الحشام
ابدع الهاجوس لاهل الذوق يوم العلم دار
قل لنا واش غيبك ذا الوقت يالسيف الحسام
منتدى القلطات له جمهور وتلّقى الدعايم
وانت وآنا مالنا جمهور يلغي واسمعه

[عبدالله الطلحي الهذلي]

الفتن صوب اليمن من يومها والصلح شام
والزمان يدور مادام الكواكب عالمدار
وانت وانا لانوينا الجد نحسمها حسام
مايطب البحر غير اللي بوقت الجد عايم
من لقي قيسه من العربان يتقاوس معه

[ابو روز]

بـــدع من أبو عبدالرحمن في منهى الجمال ورد من شاعر الحكمه ولا أروع ....
واصلوالأبداع وأحنا متابعين وبشده ...
صح الله لسان شعرائنا الذين اتحفونا وامتعونا بهذا القاف الجزل ...

واصـــــــــلوووووووووووووووووو وأحنا معاكم

[عبدالله الطلحي الهذلي]

بـــدع من أبو عبدالرحمن في منهى الجمال ورد من شاعر الحكمه ولا أروع ....
واصلوالأبداع وأحنا متابعين وبشده ...
صح الله لسان شعرائنا الذين اتحفونا وامتعونا بهذا القاف الجزل ...

واصـــــــــلوووووووووووووووووو وأحنا معاكم


هلا بالغالي
أبو روز

شكراً لك من الأعماق
متابعتك شرف لنا
وجهودك الواضحة محل التقدير والإحترام

.

[ابو عبدالرحمن]

والله ما اساويك ياعود العشر مثل البشام
كل عود(ن) له مذاق وكل حايط له جدار
الله الله كم شكى البازل من احبال البسام
ليتني وإياك ياسمحان يوم الجو غايم
نحكر البرّاد وانثنّي دواله واربعه

[أبو ملكـ]

ما زال ابو عبدالرحمن وشاعر الحكمة يواصلون الإبـــــداع


صح لسانكم

معاكم متابعين

[عبدالله الطلحي الهذلي]

كيف حال اللي غدا جسمه يمن والقلب شام
نهجه الدين الحنيف وحسب ذاك النهج دار
في سبيل الله بالمدفع غزا وإلا بسام
كلما شبت ميادين الوغا صوب الوغا يم
كل ضربه في صفوف القوم سوت قربعه

[ابو عبدالرحمن]

]


المسافات الطويلة خلت اعظامه هشام
والدوا ما ينفعه لو كان يسقونه درار
علته مستعصية واسبابها من ناب سام
انصحه يبعد عن اهل الشر وارباب العزايم
مصحفه فيه الشفاء يقرأ ويمسح مدمعه

[عبدالله الطلحي الهذلي]

قلت له يقرا عن السنه في سيرة بن هشام
يتبع السنه ويكسب من معالمها درار
وإن تبسم له طريق الخير له منا بسام
من بعدها مرحبا مليون من باب العزايم
نكرمه مادام مسلم سنة محمد معه

[ابو عبدالرحمن]

الوثايق عـنـدنا في الحفـظ مرشومه رشام

وانتم الليـلة كما البركان جـلجـل ثـم ثـار
كنت انا معكم متابع للمعاني والرسام
عاش من يبني الحكم من راس ما يرضى الهزايم
والجماهير العريـضه تـسـمعــه وتــتـابــعــه

[عبدالله الطلحي الهذلي]

الوثايق عـنـدنا في الحفـظ مرشومه رشام

وانتم الليـلة كما البركان جـلجـل ثـم ثـار
كنت انا معكم متابع للمعاني والرسام
عاش من يبني الحكم من راس ما يرضى الهزايم
والجماهير العريـضه تـسـمعــه وتــتـابــعــه




شاقني برقٍ تلالا في السما له شهر شام
حظ من له مزرعاً للحب محروث ومثار
مانزل للسوق سام الدخن وإلا البر سام
كلما زام السحاب وبارقه قام إله زايم
يشرح الخاطر هماليل المطر وتتابعه

[عبدالله بن زربان المالكي]

ابو عبدالرحمن وابو ناصر

متابعين معكم بدع ورد الله يعطيكم العافية وما قصرتوا ...
ابداع من الطرفين

تحياتي

ابو راكان

[ابو عبدالرحمن]

ابو عبدالرحمن وابو ناصر

متابعين معكم بدع ورد الله يعطيكم العافية وما قصرتوا ...
ابداع من الطرفين

تحياتي

ابو راكان
الأخ العزيز ابوراكان مرورك شرف لنا ومتابعتك وقود استمرارنا فلك اجمل تحياتنا

[ابو عبدالرحمن]

يابوناصر بنغير اللحن من باب التنويع لأن العراضه والمخيلة ملوا (من كثرهم؟؟؟؟؟؟؟؟؟؟؟؟)

البدع
يا هل الورد قالوا في شفاكم ربيع
وامسيات السمر والشعر تلمع لميع
ليتنا يوم جا يوم الربوع وعشية
ما لمقيمين بالطايف وسكانها

[عبدالله بن زربان المالكي]

تسلم يبو عبدالرحمن

معاكم انا على طوووووول

والدنيا ربيع وورد طايفي ان شاء الله

تحياتي

[عبدالله الطلحي الهذلي]

يابوناصر بنغير اللحن من باب التنويع لأن العراضه والمخيلة ملوا (من كثرهم؟؟؟؟؟؟؟؟؟؟؟؟)

البدع
يا هل الورد قالوا في شفاكم ربيع
وامسيات السمر والشعر تلمع لميع
ليتنا يوم جا يوم الربوع وعشية
ما لمقيمين بالطايف وسكانها

انت ياللي جنيت التمر مالتمر بيع
وخذ منا ذهب يالعبقري ياللميع
لاتطاوع عيوناً لابدا الضو عشيه
راقب الريح هبتها وسكانها

[عبدالله بن زربان المالكي]

يا سلام يبو ناصر الله يقويك

انا مع ابو ناصر يا بو عبدالرحمن لا تزعل .. :) ..!!

متااااااابع

[ابو عبدالرحمن]

يا سلام يبو ناصر الله يقويك

انا مع ابو ناصر يا بو عبدالرحمن لا تزعل .. :) ..!!

متااااااابع
حياك الله يابوراكان وتشجيعك لابوناصر هو تشجيع لي غير مباشر واشكرك لطيب المتابعة

[ابو عبدالرحمن]

استمع للخبر ياجي بصوت المذيع
قال معكم على خصمك يشجع شجيع
مادرى ان الحطب راهي وعندي وشيه
من صلا النار ما يحفل دخاخينها

[عبدالله الطلحي الهذلي]

استمع للخبر ياجي بصوت المذيع
قال معكم على خصمك يشجع شجيع
مادرى ان الحطب راهي وعندي وشيه
من صلا النار ما يحفل دخاخينها

قول للي يذيع العلم للعلم ذيع
ماوقف في وجوه القوم غير الشجيع
ماتراخت قواه ولاسمع للوشيه
شايبه من زمان عن التراخي نها

[ابو عبدالرحمن]

طيب طيب يابوناصر الله يعطيك العافيه على هذه الدرر الثمينة لا عدمناك وياويلك ياحاسد روحه

ياسلامي لسيف(ن) في الملاقى بريع
في رقاب العدا صارم وفعله شنيع
كيف مشواركم للريع واين الحذيه
موسم الورد بالطايف وعنوانها

[عبدالله بن زربان المالكي]

انا متابع سكاتي

ويعطيكم العافية ....

ابو عبدالرحمن وراك غيرت عانها إلى عينها وبعدين عانها . ؟

يمكن زمان كانت مقبولة لكن الحين ما نقبلها ...

والراي للطلحي اذا قبلها انا كمشجع معترض ... هههههههههههههههههههههههه

تحياتي

[ابو عبدالرحمن]

انا متابع سكاتي

ويعطيكم العافية ....

ابو عبدالرحمن وراك غيرت عانها إلى عينها وبعدين عانها . ؟

يمكن زمان كانت مقبولة لكن الحين ما نقبلها ...

والراي للطلحي اذا قبلها انا كمشجع معترض ... هههههههههههههههههههههههه

تحياتييابوراكان المرة الجاية بتكون عونها من فرعونها ههههههههههههههه الشغل على آخر حرفين الليله وبعدها حسب السوق ولك من اجمل تحية على المتابعة الجميلة والنقد البناّء الجميل لا عدمناك ياذيبان وبعدين يا أخي متابعة سكاتي ما تنفع اذا ماواحد يزقفها والثاني يلقفها ههههههههههههههههههههههه (شيخ شيعي يحدث عند سني)هههههههههههههههه

[عبدالله الطلحي الهذلي]

طيب طيب يابوناصر الله يعطيك العافيه على هذه الدرر الثمينة لا عدمناك وياويلك ياحاسد روحه

ياسلامي لسيف(ن) في الملاقى بريع
في رقاب العدا صارم وفعله شنيع
كيف مشواركم للريع واين الحذيه
موسم الورد بالطايف وعنوانها

في نحور الأعادي كم وقفنا بريع
المشبب ينوع ولامع اللاش نيع
نتعب الخيل لين الركض ياكل حذيه
كم عيوناً نذر الكحل عانوانها

[ابو عبدالرحمن]

يالله يامعتلي عرشك وخلقك بديع
ما لنا الاّ أنت ربْ ولا لغيرك نطيع
رحمتك شامله واصبح مع الجم ركيه
والكظايم ملي فاضت بقيعانها

[عبدالله الطلحي الهذلي]

يالله يامعتلي عرشك وخلقك بديع
ما لنا الاّ أنت ربْ ولا لغيرك نطيع
رحمتك شامله واصبح مع الجم ركيه
والكظايم ملي فاضت بقيعانها

أنت شاعر تجيد الرد ويا البديع
مير لاجيت وادي الجن للجن طيع
مثل غيرك تمر الحجر والجمركيه
وش مضى من جهودك وش بقي عانها

[ابو عبدالرحمن]

الله الله عليك يابو ناصر تبغى تشعللها نار واحنا مش أأدك دحنا اخوات ياراجل


الذي ما يخاف الله يروع رويع
راعي الإرهاب ماله عند ربه شفيع
من قطع دربنا صابه من الجمر كيه
واش حقوق السبل يا من تقطعونها

[عبدالله الطلحي الهذلي]

الله الله عليك يابو ناصر تبغى تشعللها نار واحنا مش أأدك دحنا اخوات ياراجل


الذي ما يخاف الله يروع رويع
راعي الإرهاب ماله عند ربه شفيع
من قطع دربنا صابه من الجمر كيه
واش حقوق السبل يا من تقطعونها

مابدا كل ريع اللي يهاب الرويع
لاتصلي صلاة الوتر قبل الشفيع
الذي ماقدر يورد على جم ركيه
ينشد الواردين ويلتقط عونها

[ابو عبدالرحمن]

ماشاء الله تبارك الرحمن يابو ناصر متألق دائما. وين الجماهير والأعضاء اللي ما نشوفهم الا في القلطه يجون يشوفون الإبداع الذي انت أهله لك اجمل تحية

[عبدالله الطلحي الهذلي]

ماشاء الله تبارك الرحمن يابو ناصر متألق دائما. وين الجماهير والأعضاء اللي ما نشوفهم الا في القلطه يجون يشوفون الإبداع الذي انت أهله لك اجمل تحية

ماعليك زود يابو عبدالرحمن
مانجي إلا من بعدك طال عمرك

وعدم تحمس الأعضاء سببه أنها ليست محاورة مباشرة
مثل مايقولون طويلة الأجل , وليس لأنها عرضة
فعندما كانت هناك عرضة مباشرة بينك وبين بن زربان
كان هناك تواجد رائع
هناك محاورة قلطة قائمة الآن بيني وبين
الشاعر/ عبدالرحمن بن مساعد
وتلاحظ أن الجمهور لايتواجدون فيها , ولو كانت مباشرة
لتواجد الكثيرون ,
القلطة والعرضة كلها شعر ولكل فن رواده ونحن هنا نشجع كل فن
مادام يمت للشعر بصلة

أشكرك من القلب
ومكانك القلب يالغالي

[ابو عبدالرحمن]

الله اكبر عليكم مثل سد(ن) منيع
كل بندق رصاصتها تدنّي صريع
المح المعركة نـيـرانها مشعـليه
لا تـشبـونها يـاللي تـطـفـونـهـا

[عبدالله الطلحي الهذلي]

الله اكبر عليكم مثل سد(ن) منيع
كل بندق رصاصتها تدنّي صريع
المح المعركة نـيـرانها مشعـليه
لا تـشبـونها يـاللي تـطـفـونـهـا

دوب جتنا الفتاوى منك يابن منيع
لابدا الذيب ريعه مابدا النيص ريع
وانا لاصرت حامي ماقفي ويش عليه
تهفي النيمسي وإلا تطفونها

[عبدالله بن زربان المالكي]

السلام عليكم

انا متابع لكم من فترة ويعطيكم العافية وابو ناصر الحقيقة كفى ووفى في شرح عدم تواجد الجمهور ، ولو انه يفترض من المشرفين على الاقل التعليق صبح وعشية لو بكلمة علشان تعطي الواحد حماس يرد .. عموما هذا حال طويلات الاجل ..هههههههههههههه
وانا يبو عبدالرحمن حاولت اشعللها ، لكن طلعت الديرة مع الاخوان قالوا في مطر وما لقينا الا اللي الله كتبه اول عشان كذا الاسبوع كله اللي راح ما تواجدت ..
وبعدين متى بتخلصون علشان ودي امترح انا وانت يبو عبدالرحمن بقاف جديد ( طويل الاجل طبعا ) على مستوى عالي ومواصفات جديدة ..؟؟؟

منتظركم

تحياتي للجميع

[عبدالله بن زربان المالكي]

دوب جتنا الفتاوى منك يابن منيع

لابدا الذيب ريعه مابدا النيص ريع
وانا لاصرت حامي ماقفي ويش عليه

تهفي النيمسي وإلا تطفونها



وربي بدع ورد لا يعلى عليه ... جميل جدا جدا .. وشكلها تهديد من ابو عبدالرحمن والطلحي موقفه زي ايران ما يهمه شي ... هههههههههههههه

يعطيكم العافية

[ابو عبدالرحمن]

حياك الله يابو راكان وإن شاء الله مخاطير العافيه ومن طول الغيبات جاب الغنايم. بالنسبة لأبي ناصر ماشاء الله عليه مثل ماتشوف مابقى لنا شئ.بالنسبة للمحاورة خلها من الأسبوع القادم وهذا الأسبوع اكمل انا وابوناصر هذي المحاورة حتى يكون فيها اكثر من لحن لأن ودي اسلم البدع لأبي ناصر.

[ابو عبدالرحمن]

وربي بدع ورد لا يعلى عليه ... جميل جدا جدا .. وشكلها تهديد من ابو عبدالرحمن والطلحي موقفه زي ايران ما يهمه شي ... هههههههههههههه

يعطيكم العافية


من زمان يابو راكان وانت مع زميلك ضدي لكن .............؟؟؟؟؟؟؟؟؟؟؟؟؟؟؟؟؟؟؟؟؟؟..على كل حال الأسبوع القادم ان شاء الله لنا لقاء ممتع وانتظر البدع منكم ياطويل العمر

[ابو عبدالرحمن]

ابدع يابوناصر لا هنت وهات لنا لحن جديد يطرب الجمهور وتراني في وجه الله لا تنشبها في الصفا لاني مش؟؟؟؟؟؟؟؟؟؟؟؟؟؟؟؟÷÷÷÷÷÷÷÷÷÷÷÷÷÷÷÷÷ههههههههههههههه هههههههههههههههههههههههههه

[عبدالله بن زربان المالكي]

من زمان يابو راكان وانت مع زميلك ضدي لكن .............؟؟؟؟؟؟؟؟؟؟؟؟؟؟؟؟؟؟؟؟؟؟..على كل حال الأسبوع القادم ان شاء الله لنا لقاء ممتع وانتظر البدع منكم ياطويل العمر

تم يبو عبدالرحمن الاسبوع الجاي

وتراك ما قريت التعليق مضبوط انا قلت ( بدع ورد ) على مستوى .. وابو ناصر ليس والله في حاجة اي مساندة مني ...

تحياتي ومتابع

[ابو عبدالرحمن]

يالربع احد منكم شاف ابو ناصر صار لي كم يوم ما شفته /عسى ما شر ان شاء الله

[عبدالله الطلحي الهذلي]

ماعليش يابو عبدالرحمن
سامحني على التأخير
والله إني إنشغلت هاليومين , لكن أبشر بسعدك
هذي بدعه , وعلى مهلك لاتستعجل


أول القول ذكر الله بذكره تطمئن القلوب
كل من يذكره لايرتجف قلبه ولا فز راعه
عالماً كل مايخفون من نيّه وما يلمزون
وانا لاشفت قوم المعرفه واهل الكرم والرجاله
قمت اكثر في ماشاءالله واكثر في الصلاه عالنبي

[ابو عبدالرحمن]

ماعليش يابو عبدالرحمن


سامحني على التأخير
والله إني إنشغلت هاليومين , لكن أبشر بسعدك
هذي بدعه , وعلى مهلك لاتستعجل





أول القول ذكر الله بذكره تطمئن القلوب
كل من يذكره لايرتجف قلبه ولا فز راعه
عالماً كل مايخفون من نيّه وما يلمزون
وانا لاشفت قوم المعرفه واهل الكرم والرجاله

قمت اكثر في ماشاءالله واكثر في الصلاه عالنبي

ذاري البر بعد البذر لازم للركيب القلوب
هذي ابسط مفاهيم الذي متمرس(ن)في الزراعه
وابسل الماء لها بالغرب من بيرك وماي المزون
واطلب الله وسيع الجود فإن الفضل له والرجاء له
تنبت الارض بالرمان والتفاح والعنّبي

[عبدالله الطلحي الهذلي]

ليت لي قصر عالي في جنوب المملكه وله بوب
قصر عالي على احدث فن معماري ويالله القناعه
وحدوده من الباحه وتاخذ سودة ابها ودون
وامنع اهل الديار تحوم حوله ماتقرّب بجاله
والذي ودّنابه ناخذه ماحد درى ويش نبي

[ابو عبدالرحمن]

ليت لي قصر عالي في جنوب المملكه وله بوب


قصر عالي على احدث فن معماري ويالله القناعه
وحدوده من الباحه وتاخذ سودة ابها ودون
وامنع اهل الديار تحوم حوله ماتقرّب بجاله
والذي ودّنابه ناخذه ماحد درى ويش نبي



مرحبا هيل بك واهلين عدة ما تذّري الهبوب
واهلا يا الفارس اللّي في الملاقى ما تشمّل قناعه
يوم بعض العرب عند اللقاء يهدون ويهاودون
وانتم اصحاب شور ورأي صايب ياهل وادي بجاله
وآآنا خدّام في ربعي وآآحامي عارضي وشنبي

[عبدالله الطلحي الهذلي]

ابوعبدالرحمن
شاعر رائع بكل المقاييس
شعر ومرجله ,

بيض الله وجهك

[ابو عبدالرحمن]

ابوعبدالرحمن
شاعر رائع بكل المقاييس
شعر ومرجله ,

بيض الله وجهك
ماعليكم زود يابوناصر ومنكم نتعلم استاذي الكريم والمحاورة مع شرواكم شرف نعتز به

[عبدالله الطلحي الهذلي]

ساكنين الحجاز هذيل والسلمان وياالحروب
واهل مكه قريش اللي يجاورهم هذيل وخزاعه
من قديم الزمن من قبل مالحجاج يتوافدون
لكن اليوم صارت للغريب وصاحب الدار حاله
حال منهو غزوه القوم واصبح في وطنه اجنبي

[عبدالله بن زربان المالكي]

ما شاء الله

الحقيقة كلام وبدع ورد لا يعلى عليه

والله اني متابعكم كل يوم ومستمتع بالمحاورة

والمعنى الاخير رائع لابو ناصر

تحياتي

[أبو ملكـ]

الله الله


الابداع والمتعمة في المحاورة مستمرة مع

ابو ناصر
و
ابو عبدالرحمن

[ابو عبدالرحمن]

;ساكنين الحجاز هذيل والسلمان وياالحروب
واهل مكه قريش اللي يجاورهم هذيل وخزاعه
من قديم الزمن من قبل مالحجاج يتوافدون
لكن اليوم صارت للغريب وصاحب الدار حاله
حال منهو غزوه القوم واصبح في وطنه اجنبي
المعذرة يابوناصر ولا يهون الأخوان كنت خارج التغطية اليومين الماضية ومثل ماقال ابوراكان صح لسانك.

الله يادارنا يكفيك في الطوفان ويا الحروب
فإنه الواحد القهار عالي كل شاموخ زاعه
حتى لو كانوا اهل الحسْد والشيطان يترافدون
انظروا حولنا بعض البلاد اليوم واش صار حاله
يادعاة الغلو في الدين والتكفير عنه اجنبي

[ابو عبدالرحمن]

وينكم يابو ناصر طولتوا الغيبة

[عبدالله بن زربان المالكي]

يابو عبدالرحمن

الظاهر ماعاد يعجبك الا الطلحي تحاور معه وهو مشغول ، وانا اللي انادي عليك وتاركني والله مشكلة ، قلت لك خلنا نتحاور بهدوء مثل زمان وانت ما ودك ..... عموما براحتك ..!!! انا جاهز وقت ما تحب.


تحياتي

[ابو عبدالرحمن]

يابو عبدالرحمن

الظاهر ماعاد يعجبك الا الطلحي تحاور معه وهو مشغول ، وانا اللي انادي عليك وتاركني والله مشكلة ، قلت لك خلنا نتحاور بهدوء مثل زمان وانت ما ودك ..... عموما براحتك ..!!! انا جاهز وقت ما تحب.


تحياتي
يابوراكان العين ماتعلى على الحاحب وانا ماني لا قدك ولا قد ابوناصر ولكن الله يجملنا معكم// توكل على الله وافتح لنا محاورة انا واياك ولا يسير خاطرك الا طيب ولاعاش من يزعلك وابشر بالرضى

[عبدالله بن زربان المالكي]

تم