أبو يزيد
06-28-2009, 11:51 PM
سبحـــان من يرزق اهــل الملاييـــن ** الرازق اللي ما يخيب الرجــا بــــــــه
لي عـم عنــده معـــرضٍ للصواليــــن ** أموت واعرف بس من وين جابــــــه
وإذا سألته قــــال بعـت الدكــاكيـــــن ** ما يدري إني ما هضمت الإجابــــــــه
الشــاهد إني رحــت له قبـــل يوميـن ** في قصره العامـر ودقيـت بابــــــــــه
قال ارحب ارحب عدّ ورد البساتيـــن ** يا مرحبا باللـي لفـا يـا هلابـــــــــــه
قلت البقــا عـدّ النفـــل والرياحيـــــن ** يا شيخ شمل اهل الكرم والذرابـــــه
قال اسلم الله يحفظك لي من العيــــن ** وآمر أوامر حضرتـك مستجابــــــه
قلت الصراحة طالبٍ قرب غاليـــــن ** ودي تزوجنـي كريمتـك يــابـــــــــه
ثنّــى وقا ل اهليـن والله وسـهليــــن ** والكون ترخص لجل عينك رقابـــه
لكـــن ترا عندي شـروط وقوانيـــن ** قلت اشرط اشرط يا حبيب الغلابـه
قال أولاً مهـــر العروسـة ثمانيــــن ** غير الرسوم وغير حق العصابـــه
والثانية عمــك يبي منـك سبعيــــن ** رسم الأبـوّة والنسـب والقـرابـــــــه
وام العروســة حقها منـك ستيــــن ** عشانها ست الحسـن والمهابـــــــه
واخوانها كلن يبي منـك خمسيـــن ** عداً ونقـداً تنـدرج فـي حسابـــــــه
وخواتها الخمس عطهن من ثلاثين ** عشان تتوثـق عـروق النسابــــــه
وتجيب طقم عيار واحد وعشريـن ** وخاتم من الماس المصفى ترابـــه
واكياس متروسة كعوب وفساتيـن ** ألوانهـا واشكالهـا مـا تشابـــــــه
وموتر بسواقـه وفيـلا بدوريــــــن ** أثاثهـا مـن بطرتـه ينحكـابـــــــه
واحجز لنا قاعة بقصر السلاطيـن ** واحجز بهـا رقاصتيـن ولعابـــــه
وامنع دخول اهل الحي والبزارين ** واعزم أميـر المنطقـة بالنيابــــــه
هذي الشروط اللي على بالي الحين ** وذكرني اللي ما حسبنـا حسابـــه
قلت اذكر الله يا عـدو المساكيـن ** واستغفـره لا يبتلـيـك بعـذابــــــه
الظاهر إنك منت عارف أنا ميـن ** أنا لو ارقا فـوق متـن السحابـه
ما جبت حتى نص درزن مواعيـن ** واضحك بكيفك واعتبرهـا دعابـه
شروطكم هذي شـروط المجانيـن ** شروطكم شغـل ابتـزاز ونهابـه
شروطكم تقصم ظهـور البعاريـن ** شروطكـم همّـن وغـم وكآبـه
شروطكم والله سيوف وسكاكيـن ** تذبح بنات المجتمع مـع شبابـه
وين الرضا والعطف واليسر واللين ** اللي ذكرهـا الله بمحكـم كتابـه
وين الصفات اللي أمرنا بها الديـن ** وين اختفى نهج النبي والصحابـه
يا عم جعل اللي خلقنا من الطيـــن ** يرد عقلك مـن خطـاه لصوابـه
ويجعل نصيبي عند غيرك قل آمين ** ويحسن عزا الصابر ويجزل ثوابه
قال انت لو فكرت تفكير صاحيــــن ** ما شفت في مجمل شروطي غرابه
حنا بعصـر العولمـة والمزاييــــــن ** ماهوب عصر الفلسفة والخطابـه
الناس تسعى للرتـب والنياشيــــــن ** وانت اهتمامك بالشعـر والكتابـه
والشعر ما ينفعك لو هو دواويــــن ** ما دام جيبك مثـل بيـت الخرابـه
يا بوك لا تسمع كلام المصاخيــــن ** واسأل مجرب عاش في وسط غابه
قلت الله اكبر يا محـرر فلسطيــــن ** من يسمعك يحسبك ذيـب الذيابـه
تراك شايب راس مالـك رياليــــن ** والبنت ما تسوى جنـاح الذبابـه
قال انقلع مالت على وجهك الشين ** لا عاد اشوفـك عندنـا يالزلابـه
قلت ابشر ابشر لكن الباب من وين ** واقفيت من عنده على صوت بابـه
لي عـم عنــده معـــرضٍ للصواليــــن ** أموت واعرف بس من وين جابــــــه
وإذا سألته قــــال بعـت الدكــاكيـــــن ** ما يدري إني ما هضمت الإجابــــــــه
الشــاهد إني رحــت له قبـــل يوميـن ** في قصره العامـر ودقيـت بابــــــــــه
قال ارحب ارحب عدّ ورد البساتيـــن ** يا مرحبا باللـي لفـا يـا هلابـــــــــــه
قلت البقــا عـدّ النفـــل والرياحيـــــن ** يا شيخ شمل اهل الكرم والذرابـــــه
قال اسلم الله يحفظك لي من العيــــن ** وآمر أوامر حضرتـك مستجابــــــه
قلت الصراحة طالبٍ قرب غاليـــــن ** ودي تزوجنـي كريمتـك يــابـــــــــه
ثنّــى وقا ل اهليـن والله وسـهليــــن ** والكون ترخص لجل عينك رقابـــه
لكـــن ترا عندي شـروط وقوانيـــن ** قلت اشرط اشرط يا حبيب الغلابـه
قال أولاً مهـــر العروسـة ثمانيــــن ** غير الرسوم وغير حق العصابـــه
والثانية عمــك يبي منـك سبعيــــن ** رسم الأبـوّة والنسـب والقـرابـــــــه
وام العروســة حقها منـك ستيــــن ** عشانها ست الحسـن والمهابـــــــه
واخوانها كلن يبي منـك خمسيـــن ** عداً ونقـداً تنـدرج فـي حسابـــــــه
وخواتها الخمس عطهن من ثلاثين ** عشان تتوثـق عـروق النسابــــــه
وتجيب طقم عيار واحد وعشريـن ** وخاتم من الماس المصفى ترابـــه
واكياس متروسة كعوب وفساتيـن ** ألوانهـا واشكالهـا مـا تشابـــــــه
وموتر بسواقـه وفيـلا بدوريــــــن ** أثاثهـا مـن بطرتـه ينحكـابـــــــه
واحجز لنا قاعة بقصر السلاطيـن ** واحجز بهـا رقاصتيـن ولعابـــــه
وامنع دخول اهل الحي والبزارين ** واعزم أميـر المنطقـة بالنيابــــــه
هذي الشروط اللي على بالي الحين ** وذكرني اللي ما حسبنـا حسابـــه
قلت اذكر الله يا عـدو المساكيـن ** واستغفـره لا يبتلـيـك بعـذابــــــه
الظاهر إنك منت عارف أنا ميـن ** أنا لو ارقا فـوق متـن السحابـه
ما جبت حتى نص درزن مواعيـن ** واضحك بكيفك واعتبرهـا دعابـه
شروطكم هذي شـروط المجانيـن ** شروطكم شغـل ابتـزاز ونهابـه
شروطكم تقصم ظهـور البعاريـن ** شروطكـم همّـن وغـم وكآبـه
شروطكم والله سيوف وسكاكيـن ** تذبح بنات المجتمع مـع شبابـه
وين الرضا والعطف واليسر واللين ** اللي ذكرهـا الله بمحكـم كتابـه
وين الصفات اللي أمرنا بها الديـن ** وين اختفى نهج النبي والصحابـه
يا عم جعل اللي خلقنا من الطيـــن ** يرد عقلك مـن خطـاه لصوابـه
ويجعل نصيبي عند غيرك قل آمين ** ويحسن عزا الصابر ويجزل ثوابه
قال انت لو فكرت تفكير صاحيــــن ** ما شفت في مجمل شروطي غرابه
حنا بعصـر العولمـة والمزاييــــــن ** ماهوب عصر الفلسفة والخطابـه
الناس تسعى للرتـب والنياشيــــــن ** وانت اهتمامك بالشعـر والكتابـه
والشعر ما ينفعك لو هو دواويــــن ** ما دام جيبك مثـل بيـت الخرابـه
يا بوك لا تسمع كلام المصاخيــــن ** واسأل مجرب عاش في وسط غابه
قلت الله اكبر يا محـرر فلسطيــــن ** من يسمعك يحسبك ذيـب الذيابـه
تراك شايب راس مالـك رياليــــن ** والبنت ما تسوى جنـاح الذبابـه
قال انقلع مالت على وجهك الشين ** لا عاد اشوفـك عندنـا يالزلابـه
قلت ابشر ابشر لكن الباب من وين ** واقفيت من عنده على صوت بابـه