السلام عليكم ورحمة الله وبركاته

[مشعل الحربي]

سلام ردية(ن) والعارفه مايضيع=ايدل درب السنع ماتاه في طرقته=
لوكان كل الذياب الشهب في راس ريع=تجفل ليا من بارود الخطر شمته=

[سلمان بن عقاب]

عليكم السلام ورحمة الله وبركاته

يامرحبا بالنيابه في محل الجميع=باللي يدل السنع ماتاه عن جرته
ان كان بارودها لاثوّرت مايميع=لاعاد تنشد عن الفارس وعن حربته

[مشعل الحربي]

الخط ماهوو واضح

[سلمان بن عقاب]

يامرحبا بالنيابه في محل الجميع=باللي يدل السنع ماتاه عن جرته
ان كان بارودها لاثوّرت مايميع=لاعاد تنشد عن الفارس وعن حربته

[مشعل الحربي]

عسا البقا والوفي ماضاع فيه الصنيع= لو يختلف هالزمن ماتختلف نيته=
الظاهرنه وليد عقاب رجل(ن)لكيع= من بعد ماشفت جن القوم فلحيته=

[سلمان بن عقاب]

لامايضيع الصنيع الا على اهل الرجيع=اللي مع الطيب لاحيّه ولا ميته
الليل يامشعل الحربي وخطٍ سريع=والموتر اللي معك شيّك له وزيته

[مشعل الحربي]

حنا سمعنا بورع(ن) صاح صوته رضيع= مدري من الجوع ولا فاقد اوخيته=
سلمان مايعجبه ياقوم غير الربيع=والبيت مبني وشيخ القوم في فيته=

المعذره النت تعطل عليه

[سلمان بن عقاب]

ياهل اضرما ويش سويتوا نهار الفزيع=قالوا صواميلها ماكانت متيّته
لاصار شفت انت وحده ضايعه مالقطيع=فتحمّد الله على راسك وطاقيته

[مشعل الحربي]

مدونه من ذهب يسارح(ن)في قطيع=يسارح(ن)بالحساني راجع بسيته=
مالك على الدرب قدره دوك شوك النقيع=الشعر حنا نعرفه ونت عاريته=

[سلمان بن عقاب]

ان كان ضاري بمشّيْك فوق شوك الضريع=فالله يهنّيك في شوكك وشوكيته
لاناشك السيف ما فادك نصاب الذريع=بيروح وتروح وتهوّي معا هوّيْته

[مشعل الحربي]

صح لساااااااااااااااااااانك أخوي/سلماان عقاب وبيض الله وجهك