حصون تتشـــابه

[عبدالله الطلحي الهذلي]

هذه القصيدة ألقيت في منطقة الباحة
في حفل زواج الشاب / محمد
إبن الشاعر الكبير شاعر العرضة الجنوبية
عبدالله البيضاني


ياســــلام الله عليــــكم خيــــــر مانبــــدابه=نابــعٍ من خاطــــري واترجمــه بلســــاني
ياســــلام الله على زهـــران نعـــم اللابـــه=فخــر تاريــخ العرب من ســـابق الأزماني
يشــــهد التــاريخ واللي قــد قــرى بكتـــابه=الكرم من ســـابق الهجــــره وهو زهـراني
كاســـبين المــدح يــوم المــدح له كســــابه=والشـــجاعه قســـمهم بالفعــل والبرهـــاني
في نهـار الحــرب نعـرف قصــة الحـــرّابه=يوم داســـوا بالمطارح في صفـا العجـلاني
وماحصــل في شــــبرقه يوم اللظا شــــبابه=ويشهد الموسى هزيمة عســكر الســلطاني
جيت اعبـّــر عن حقيــقة خاطـري وإعجابه=وجيـت ابــارك يـوم عــزام الفـرح نــاداني
وجيت اصوغ الشعر في قدر البطل وانسابه=قـــدر لمحمــد وطــارق نبــدع القيــفــــاني
بالأصـــاله عـن حمايــة ماقـفــي ونيــــــابه=عن هذيـل أهل الثلاث البيض واهل العـاني
عزوتي يوم الزمــان المختــلف وانشـــــابه=إســـــمهم بيــن القبـــايل يرهـب العــدواني
واما انـا عنــدي حصــونٍ راســيه تتشـــابه=الحصـــون اللي عليـها شــــايبي وصـــاني
كل حصــنٍ ثــابــت المبنــى وثيــقٍ بـــابـه=وكل وادي فيــه حصــنٍ ثـابت الســيســاني
أفـتخـــرفيــها وكلٍ يفـتخـــر باصحــــــابه=واول حصــون الفخــــر عبدالله البيـضــاني
شـــاعر العرضة وشـــعار القصيــد تهابه=كل ماغنــى قصيـــده لامســــت وجــــداني
وخيـــر ماأختّـم به ابيــاتي ختــام الجـــابه=ياصـــلاتي للنبــي الهاشـــــمي العدنــــاني