مصافحه اولى

[بندر الغريبي]

بسم الله الرحمن الرحيم
السلام عليكم ورحمة الله وبركاته




الحاكم الله وأنت يالعبد محكوم = في دبرة اللي مايخيب دخيله
الواحد الفرد الصمد حي قيوم = الكون بآمره والبشر تلتجي له
لاتاخذه غفله ولايا خذه نوم = مافي السما والارض يعلم حصيله
مايعجزه شيٍ وله دايم الدوم = نركع ونسجــــــد لا الهٍ بديله
سبحانه اللي جاعل الرزق مقسوم = بين العباد وجاعلن له وسيله
العادل بعدله نصر كل مظلوم = من ظلم نفسٍ في هواها ذليله
الذل عار وصاحب الذل محروم = مهما تهيت له تعود هزيله
يالادمي دنياك غرات وسهوم = والعاقل يحث الخطا للفضيله
درب الخطا ممشاه لومٍ ورى لوم = تشقي ولاتهنا من الدهر ليله
اسلك طريق الخير والعمر محتوم = وابعد عن دروب الخنا والرذيله
تسعد بما تكسبه قانع ومحشوم = عن رفقة اللي رفقته مستحيله
لايقدر الطاله ولاينطح القوم = ياكثر هرجه والفعايل قليله
شرواه مهما كان مدحور مهزوم = هده ردى مذهبه وانهد حيله
لكن يامن تفهم القصد وتشوم = وان جاك حملاً كايدٍ ترتكيله
لاتلفت وابذلها جهد وعزوم = الطايله حض الرجال الاصيله
اللي لها مذهب وعادات وسلوم = رجالهم في ماقفه عن قبيله
وتجاهل العثره ولاتكثر السوم = فالبيعه اللي من ورها فشيله
وصاحب حكيماً للصعيبات قيدوم = سطوته تعرف بالليال المهيله
مايفرضن رآيه ولن قام زيزوم = يشفيك ويجيب العلوم الجزيله
وافرح بوصف العز فاصحاب وخصوم =الخصم قدر قوته ثم حيله
وان شفت لك مخرج على خط مرسوم = مافيه تاويلاً ولافيه ميله
آنصاه لاتجفل من الحق وتقوم = الحق مخلاص العميل لعميله
الحق ماهو غلب تصلح به علوم = وتبرى به جروح الكبود العليله
واثبت على دين الله وصلي وصوم = الشرح يكفي عن كثيره قليله
جارك وضيفك والخوي علم مزموم = احرص عليهم فالقصور الظليله
الحر تكفيه الاشاره وملزوم = انه يرد الطيب لاهل الجميله
وختامها ماتبدي أفلاك ونجوم = صلاة ربي للرسول الدليله

[سامي حامد الطلحي]

صح لسانك وبيض الله وجهك
تقبل مروري

[بندر الغريبي]

الاخ سامي الطلحي

صح بدنك وسلمت

اشكر لك مرورك

[منصور الوذين المري]

بندر
صح السانك ملايين
جزلة وطيبه
لاهنت

[نايف محمد]

الأخ بندر يعطيك العافيه
وبما أن النص كان يحث على كثير من العادات النبيله في حيات الشخص
كان يجب على الشاعر أن يحرص على ترابط النص أكثر من ذلك
لن اعلق أكثر لأن هذي هي المصافحه الأولي للشاعر في المنتدى
وننتظر القادم وأتمنى أن يكون أفضل

[مبارك جارالله]

حياك الله يابندر الغريبي في منتداك وبين إخوانك وبداية خير إنشاء الله وأحيي فيك توجهك الديني في القصيده والدعوه للفضيله في عصرٍكثر فيه الإنغماس في الشهوات والله يقويك ويعطيك العافيه

[مشعل اللحياني]

حياك يا الغريبي
كنا في انتظارك من أول ما سجلت
لكن أعلم بما فيه أنت من ارتباطات أخرى
قصيده مليئة بالنصح والتوجيه والتطلع للعلو في الدارين
لا تطول علينا يالغالي في انتظار بوحك الراقي كما عهدناه

[مقبل المعبدي]

بندر الغريبي

صح لسانك ولاهنت يالغالي

قصيدة في مجملها جميله وفيها من الحكم والنصائح

جل تقديري

[عبدالله خلف الله الهذلي]

اللهم صلِّ وسلم على خير خلقك محمد بن عبدالله.



بندر الغريبي

نص توجيهي جميل

وحضورك يسعدنا ويشرفنا

شاعر متمكن

ننتظر جديدك

[أبو نواف]

اللهم صلي على محمد وعلى اله وصحبه اجمعين

رائعه يالغالي بندر بحجم روعتك الشعريه وروعة حضورك

نتطلع للمزيد والجديد يالغالي

[بندر الغريبي]

شكراً لكل من اشاد وعلق ووجه

والمكسب الحقيقي هو التواصل مع شرواكم

اما بالنسبه للاخ نايف محمد اشكرك على التعليق

ولكن لا ادري هل انت شاعر ام ناقد

وانا لازلت اتعلم في الحياه الكثير

واتمنى ان تشرح لي عن كيفية وادوات ترابط القصيده

لكي تعم الفائده

اكرر تقديري وتحياتي للجميع

[نايف محمد]

عزيزي بندر
أنا ناقد أو شاعر كل ذلك لايهم في شيء
المهم أن نستفيد من الإيجابيات ونبتعد عن السلبيات
وأن شاء الله أني لم أت بنقد أوتعليق أو ملاحظه سوى للفائده
وأذا كنت ترغب في التوضيح حول ما قلت أنا سأوضح لك ذلك
أنا قلت بأن النص يفتقد للترابط بمعنى ياعزيزي أنه حيينما يريد
الشاعر الأنتقال من موضوع الى أخر يحاول أن لاينتقل مباشره دون أي تمهيد أو مقدمه
لأن الشاعر حينما يتحدث عن موضوع وبطريقه مباشره ينتقل لموضوع أخر هذا يفقد النص ترابطه وهذا شيء يؤثر على النص تماماُ
وبتالي يجد القارء نفسه أمام نص هش ضعيف . فتسلسل الأفكار وربط المواضيع بطريقه صحيحه من أهم جماليات النص عند المتلقى أو الناقد
لك خالص شكري على روحك العاليه

[خلف بن مذيخر]

ماشاء الله عليك يابندر هذه القصيدة الرائعة الوعضية تستحق القراءة وماعليك من بدر الصفوق وشرواة

[بندر الغريبي]

الناقد / نايف محمد يعطيك العافيه

واعتقد ان السؤال عن هوية الشخص امر طبيعي

الامر الثاني لم احتج على نقدك ولكن كنت اريد ان توضح لي

وللقاري اين وقع عدم الترابط بالنص لكي اقتنع او احتج

واذا كان من حقك ان تنتقد فمن حق الاخرين ان يعترضون

اذا كان النقد غير مقنع ........


اتمنى ممن يزولون النقد الادبي ان يوضحون

وبالتفصيل على جسد النص مايريدون ان ينتقدونه

وان يبتعدوا عن الكلام المجمل الذي لايفيد الشاعر ولا المتلقي


اتمنى لك التوفيق والسداد

[بندر الغريبي]

الشاعر الخلوق / خلف مذيخر

اشكرك على هذا المرور الطيب

ولك من التحايا اطيبها

[نايف محمد]

خلف بن مذيخر
والله اني افتخر أن أكون مثل ماشبهتني به وهو الشاعر والناقد المعروف في الساحه بد الصفوق وهذا تاج بالنسبه لي
ولكن السؤال الحقيقي
انت أين تصنف شعرك في االساحه الشعريه ؟
أعتقد بأن الجواب لا نحتاجه منك ونكتفي بما نقرأه في نصوصك والتي لو حاولت أنك تعيد النظر فيها بعين الواقع ستقوم بحرقها لتصبح رماداً
وأقول لك ( رحم الله أمرءاً عرف قدر نفسه) فيا ليتك عرفت قدر شعرك