قصائد...تسكن الذاكرة !!

[عبدالله خلف الله الهذلي]

لو استعرضنا ما تحمل الذاكرة من قصائد...

لوجدنا الكثير ..

ربما

لجزالتها

او

ظرافتها

او

سلاستها

ولكنها تبقى....رغم عوامل التعرية

ورغم كثرة القصائد التي نقرأها

تسكن في الذاكرة


هنا ...نعيد ...تدوين ما تحمله ذاكرتنا

من قصائد

بغض النظر عن الترتيب او الاهمية




كما ارجو ان نتذكر ايضا صاحب الابيات...



والمجال مفتـــــــــــــوح للجميع

تفضلوا !!!!!!!!

[عبدالله خلف الله الهذلي]

سوف ابدأ..





لمهندس الكلمة

الامير بدر بن عبدالمحسن

(الوله)

يطري عليه الوله .. وأطري على باله
يامرحبا لاضوى خلي على بابي

هجيت حدب الضلوع ونوخ جماله
لاجله بكت دمعتي ولأجله ضحك نابي

وكل ما ضحك لي لمحت النور في آماله
والى تجهم سترت السقم بثيابي

وكل ما شكى من عنى همه وغرباله
أقول لعل به جرحٍ من أسبابي

طال الحكي ما لقيت الوصل بوصاله
لاني حبيبه ولا هو أقرب اصحابي

ناديت طاري المحبه مالنا وماله
بالحيل أنا وانت ربع وكننا أغرابي

يا زين كانك حزين .. فحالتي حاله
بكفيك همك وأنا بصبر على مابي

لو الشجر له نصيب فـ بارد ظلاله
ماحرق القيض جفني وأنت فـ أهدابي

[عبدالله خلف الله الهذلي]

وما زلت..

مع البدر...


غرفه*
يطيح جفن الليل واهز كتفه
نجمٍ يشع وباقي الليل مطفي

واحاكي الجدران عن وصف غرفه
ماتشبه الجدران ويطول وصفي

وتملني الجدران واظهر لشرفه
تحت السما واسكر الباب خلفي

ريحٍ تهب وتسكن العظم رجفه
وتموت ريح وتسكن اوراق نزفي

على الروابي تهطل دموع وطفه
وتصب لمع بروقها وسط طرفي

ياطاري الغدران والعمر رشفه
مع قلها ياليتها يوم تصفي

الحب واجد مير الاقدار صلفه
والأرض واجد لكن الحلم منفى

واللي اعرفه راح ماعاد اعرفه
ولاظن يذكرني الى أقبلت مقفي

ماهو حبيبي مورد القلب حتفه
ولا هو حبيبي يفرح بوقت ضعفي

مر ثمر هالليل وأمر قطفه
يالحنظل اللي قمت اذوقه بكفي

متى الشوارع تجمع اثنين صدفه
لا صار شباك المواعيد مجفي

يابنت تو الليل ماراح نصفه
وياليل بعض اللي مضى منك يكفي

[مبارك جارالله]

وأنا بعدك هناك قصيده للشريف بركات يوصي فيها إبنه مالك يقول فيها
يامالك إنَ الصقر لوصاحب الديك= ظلاَ يعاعي مثل عاعاة الأدياك
بيبان جده لو ملكها بن آخيك = لو تطلبه خمسه دواوين مااعطاك
إحفظ دبشك اللي عن الناس يغنيك =لولاه ماقالوالك الناس حياك

[عبدالله خلف الله الهذلي]

اقتباس:
المشاركة الأصلية كتبت بواسطة مبارك جارالله http://www.al-hothli.com/vb/images/al-hothli_new/buttons/viewpost.gif (http://www.al-hothli.com/vb/showthread.php?p=3313#post3313)
وأنا بعدك هناك قصيده للشريف بركات يوصي فيها إبنه مالك يقول فيها
يامالك إنَ الصقر لوصاحب الديك= ظلاَ يعاعي مثل عاعاة الأدياك
بيبان جده لو ملكها بن آخيك = لو تطلبه خمسه دواوين مااعطاك
إحفظ دبشك اللي عن الناس يغنيك =لولاه ماقالوالك الناس حياك



شكرا اخي مبارك على الاختيار لشاعر بحجم الشريف بركات


انا اذا تسمح لي سوف اورد القصيدة كاملة هنا...



يا مرقب بالصبـح نطيـت عاليـك
مـا واحـد قبلي خبرتـه تعـلاك
وليت ياذا الدهـر ماكثـر بلاويـك
الله يزودنـا السلامـة مـن اتـلاك
ياللي على العربان عمت شكاويـك
وليت يا دهـر الشقـا ول مقـواك
واليـوم هالكانـون غـاد شبابيـك
تلعب به الارياح مـن كـل شبـاك
يا مالك اسمع جابتي يـوم اوصيـك
وأعرف ترى يابوك بآمرك وانهـاك
وصيـة مـن والـد طامـع فيـك
تسبق على الساقه لسانـه العليـاك
أوصيك بالتقوى عسى الله يهديـك
لهـا وتدركهـا بتوفيـق مــولاك
الله بـرب أجـدادك الغـر يعطيـك
مرضاته مع ما تمنـى مـن إمنـاك
إحفظ دبشك اللي عن الناس مغنيـك
اللي ليا بـأن الخلـل فيـك يرفـاك
وإعرف ترى مكة ولاهـا بناخيـك
لو تشحذه خمسة ملا ليـم معطـاك
إجعل دروب المرجله مـن معانيـك
وإحذر تميل عن درجهـا بمرقـاك
لا تنسدح عنها وتبغانـي اعطيـك
جميع ما يكفيـك مـا حاصـل ذاك
أدب ولدك إن كـان تبغـاه يشفيـك
لو ضاقـت إمـة لا تخليـه يـالاك
إما سمج واستسمجك عنـد شانيـك
ويفر من فعله صديقـك وشـرواك
والا بعد جهلـه تـرا هـو بياذيـك
لو زعلت أمـة لا تخليـه يـا لاك
وإحذر تضيع كل من هو ذخر فيـك
معروف لا تسـاه واوفـه بعرفـاك
ترى الصنايع بين الاجواد تشريـك
إليـا طمعـت بغرسهـا لا تعـداك
واحذر سرور بغبة البحـر يرميـك
ولا عنده افلس من تشكيك وبكـاك
وأوف الرجال حقوقها قبـل تاتيـك
لا توفيـه بالهـرج فالحـق يقفـاك
وهرج النميمة والقفا لا يجـي فيـك
وأياك عرض الغافل أيـاي وأيـاك
تبدي حديـث للمـلا فيـه تشكيـك
وتهيم عند الناس بالكذب واشـراك
واليا نويت إحـذر تعلـم بطاريـك
كم واحد تبغي منه عرف وأغـواك
وأحذر شماتت صاحب لك مصافيـك
وليا جرالك جـاري قـال لـو لاك
ولا تحسب أن الله قطـوع يخليـك
ولا تفرح إن الله على الناس بـداك
الضيف قدم له هـلا حيـن يلفيـك
ومما تطوله يافتـى الجـود يمنـاك
إحذر تلقي الضيق مقـرن علابيـك
خليه محب لك صديـق ليـا جـاك
ووصيك زلات الرفيق أن عثا فيـك
ما زال يغطاها الشعـر فاحتمـل ذاك
راعه ولو ما شفت إنـه مراعيـك
عساك تكسر نيتـه عـن معـاداك
وإحذر عدوك لو ظهر لك مصافيـك
خلك نبيه وراقبه ويـن مـا جـاك
لا تامنه واطلـب مـن الله ينجيـك
ويكفيـك ربـك شـر ذو لا وذولاك
شفني أنا يا بوك بآمـرك وانهيـك
عن التعرض بين الاثنيـن حـذراك
إذا حضرت اطلابـه بـه شرابيـك
اسع لهم بالصلح والـلاش يفـداك
ابذل لهـم بالطيـب ربـك ينجيـك
ولا تجضع الميزان مـع ذا ولا ذاك
أما الشهاده فادهـا إن دعـوا فيـك
بين عمود الدين لا عميـت أريـاك
بالك تماشـي واحـد لـك يرديـك
طالع بني جنسـك وفكـر بممشـاك
رافق أصيل فـي زمانـك يشاكيـك
لا شاف خلاتك عن النـاس غطـاك
وحذراك عن طرد المقفي حذاريـك
عليك بالمقبل واترك اللـي تعـداك
ثم إلعن الشيطـان حـذراك يغويـك
تـرى أن تبعتـه لشرابـيـك وداك
وأوصل لا تشكـي علينـا بلاويـك
انت السبب اطرفت عينـك بيمنـاك
وإعرف ترى اللي واطا الفعرو اطيك
ولا أنته أعز من الجماعة هـذولاك
ألمسك يا راسي من الذل وأخطيـك
وأحـذر تكلـم يالسانـي وحـذراك
وألطف بجارك قوم من دون عانيـك
وافطن لما يعنيك عن ربعة اخـواك
ياذيب وإن جتك الغنم فـي مفاليـك
فاكمـن لهـا ياذيـب لامـا تعـداك
فيما مضى يا ذيب تفـرس بياديـك
واليوم جاء ذيب عن الفرس عـداك
ياذيب عاهدني وعاهـدك مارميـك
مرميك أنا ياذيب لـو زان مرمـاك
والنفس خالف رايها قبـل ترميـك
ترى لها الشيطان يرمـي بالاهـلاك
ومن بعد ذا لا تصاحب النذل يعديك
عن صحبة الانذال يابـوك حـذراك
والهقوة انك ما تجـي دون أهاليـك
ولا ظن عود الورد يثمـر بتمبـاك
الحر مثلك يستحي يصحـب الديـك
وإن صاحبه عاعا مععـات الاديـاك
لا تستمع قول الطرف يـوم يلقيـك
بالكذب يقضي حاجته كـل ماجـاك
من نم لك نم بك ولا فيـه تشكيـك
وأليـاه قـد زرى رفيـقـك وزراك
عندك حكا فينا وعندي حكـا فيـك
وأصبحت كارهنـا وحنـا كرهنـاك
ما خطاك ما صابك ولو كان راميـك
واللي مصيبك لو تتقيـت مخطـاك
مير استمع مني عسى الله يهديـك
أنصحك يا ما لـك لـك الله مـولاك
عنـدي مظنـه مـا تمثلثهـا فيـك
واطلب لك التوفيق من عند مـولاك

[نايف محمد]

الاخ خلف فكره رائده تستحق المتابعه
وأنا هنا اصافحكم بما خلده البدر وأنت يا اخ خلف سبقتني بنص للشاعر المبدع ومهندس الكلمه بدر بن عبدالمحسن
علماً بأنني كنت أتئهب في هذه الأيام لطرح موضوع يخص مهندس الكلمه وسيكون لي وقفه قريباً بأذن الله حول تجربة بدر وما خلده
والأن اصافحكم بنزف يمثل بدر بن عبدالمحسن


بين القلم وأصابعي والورق شوق
عشرين حولٍ .. منكتبت القصايد
من يوم بان القلب .. واخفيت بالموق
دمع .. وغـدالي بالمحبه .. وعايد
كتبت ما كني على الشعر مسبوق
وقريت ماكن افـ قصيدي .. جدايد
ونزفت لين اتعبت لا حصل اعروق
وسهرت لين امست نجومي قلايد
وصرت اللياليبين عاشق ومعشوق
وصرت الوصل مابين حاضر وبايد
أنا النخيل وشعري اظلال وعذوق
وانا السحاب اللي على الناس جايد
وفـ ليلةِ حسيت من جرحي اعقوق
وقفالنزيف وما بذي له عوايد
صار الورق مابين مهمل ومشقوق
وحار القلم ما بينناقص و زايد
من الشعر مليت ياحادي النوق
و من الجروح اللي .. تمل الضمايد
و من الحروف ونقصها مع هل السوق
وكذب الحسود .. وهم راعي المكايد
ومجادلي في كل ساذج ومطروق
وخوفي على غر المعاني الفرايد
عشر السنين وعشر .. والجوف محروق
ما غير أشب أطراف ليلي وقايد
مانيب ادور من ورى نزفي احقوق
و لا جيت ادور في السهر لي فوايد
لو ما بقالي في الملا غير مخلوق
لا من ذكرشعري .. جفته الوسايد
كني بجبين الشمس .. والليل مفروق
وكني بدمعٍ .. فوقخده نضايد
افداه عمرى .. ماشكى صاحبه عوق
لاشك ما في النفس لو قيل كايد

[خالد ساعد]

السلام عليكم ورحمة الله وبركاته

من الأبيات الرائعة لبدر بن عبدالمحسن هذا البيت الذي حفر في الذاكرة
يقول الأمير بدر :
الحمل ماهو الي تشيله كتوفي
********الحمل لا صارت كتوفي هي الحمل


لكم كل الود

أخوكم

ابو راكان

[محمد بن جبير]

بسم الله الرحمن الرحيم
,,
,
اشكركـ اخوي على الفكره الرااائعه وبيت اجيب لكم قصيده من افضل قصائد الامير ( خالد الفيصل ) حفظه الله ,, وهي قصيده معبره , اترككم مع القصيده ...


لا تــقـــول ان الـلـيـالــي فـرّقـتـنــا
لا تـقــول ضـروفـنـا عــيّــت عـلـيـنـا

الـلـيـالــي يــــــوم ودك جـمـعـتـنــا
يـوم ودك كـل شـي(ن) فـي يدينـا

ياسقـى الله ليلـة(ن) بــك عرّفتـنـا
في شعيب شهار عن غيرك سلينا

من مغيب الشمس حتـى طالعتنـا
عــن هــل الدنـيـا نزعـنـا واعتلـيـنـا

لـيــلــة الـعــشــاق والله ورّدتـــنـــا
مــــارد ذقــنــاه لــكـــن مـارتـويـنــا

لـيـتــهــا .. يـالـيـتـهــا مـاودّعــتــنــا
لـيـت ذاك اللـيـل مـــاراح وسـريـنـا

يــوم همّـلـنـا اللـيـالـي .. هملـتـنـا
كـيــف تعـطـيـنـا وحــنّــا ماعـطـيـنـا

الـلـيـالـي عــــن هــوانــا مانـهـتـنـا
البـلـى حـنّـا عـلـى البـعـد انتهيـنـا

[عبدالله خلف الله الهذلي]

نايف محمد

شكرا لحضورك الواعي

واختيارك الجميل

وبانتضار ما تكتب عن البدر

مهمة صعبة ...جدا !!

بالتوفيق

[عبدالله خلف الله الهذلي]

اقتباس:
المشاركة الأصلية كتبت بواسطة خالد ساعد http://www.al-hothli.com/vb/images/al-hothli_new/buttons/viewpost.gif (http://www.al-hothli.com/vb/showthread.php?p=3668#post3668)
السلام عليكم ورحمة الله وبركاته

من الأبيات الرائعة لبدر بن عبدالمحسن هذا البيت الذي حفر في الذاكرة
يقول الأمير بدر :
الحمل ماهو الي تشيله كتوفي
********الحمل لا صارت كتوفي هي الحمل


لكم كل الود

أخوكم

ابو راكان



خالد شكرا لك يابوراكان

اختيار موفق لبيت من قصيدة احبها كثيرا بعنوان "صوت العظام"


لو هو غضب بيحت ما ضم جوفي
من الغثا واظهرت عقب االعقل جهل

ولو هو الم ما طال عندك وقوفي
ولا جيت أبا اسمع قصة الذيب والحمل

ولو هو ندم كسرت .. باقي سيوفي
على دروب الوصل ومفارق الشمل

صوت العظام اللي تكسر حروفي
مابه كلامٍ تنطقه شفتي سهل

إن جيت امش الدمع تبكي كفوفي
وإن جيت أقول الشهد يوذيني النحل

الحمل ماهو اللي تشيله كتوفي
الموت لا صارت كتوفي هي الحمل

ومن قال باكر .. قلت باكر حتوفي
والباقي إنشد عنه ضرابة الرمل


شكرا لك

[عبدالله خلف الله الهذلي]

لمساعد الرشيدي


سيف العشق

كيف أطفي الريح بثيابك وكيف اشعلك
كيف اتنثر على جمـرك وكيـف احتويك
نقضت ليل الحرير وجيت ماانت لهلك
سمّيت باللي فتني بـك وقلت ابتديـك
هذا اول الدرب او هذا الطــريق اولك
جيت آتوقّا عذابات المدى واهتديك
شوقـي مسافـة وهمساتـك مـدار وفلك
ان ماظميتك غلى ياعلني ماارتويك
إية اعرفك واعرف اني من غلاك اجهلك
مرات اضمّـك واخـاف اني مشبة عليك
مـرات اشوفـك بنفس الوقت واتخيـلك
وانشد كفـوفي عن اخر سالفة من يديك
أعـنّ لك لـو تصّـب المـوت واتهيّلك
واجـوع لـك وآتمـنى خنجـرك واشتهيـك
ماقلـت لك عمر سيـف العشق مايقتلك
ماتشوفني حي قدامك وانا امـوت فيك
اشتقت لك قبل اجيك وجيت واشتقت لك
البارحة طول ليلي بين هذي.. وذيـك
مليت جمـر انتظارك واستحيت أسألـك
واحسبتني ما بعد جيتك وفكرت اجيـك
اثرك بقلبي من البارح وانا استعجلك
واثري نسيتك من الفرحة وقمت احتريك

[عبدالله خلف الله الهذلي]

وله ايضا...


عين تشربك شوف

بين فرحة لقاك وهم فرقاك
لاتذكرت جرح ولا نسيتك
حي هالشوف ماتنمل دنياك
شف سواة العيون ليا لقيتك
عين تشربك شوف وعين تظماك
لاذبحني ظماك ولا رويتك
قمت اخيلك هنا ... وهناك .. وهناك
وين ترحل بي النظره نصيتك
ان تبسمت قلت الموعد شفاك
وان تمنعت بانفاسي دعيتك
وان طلبت الغلا قلت الغلا جاك
وان سكنت الخفوق البيت بيتك
وان نثرت القصيد بدرب لاماك
ذاع صيت القصيد وذاع صيتك
يارجا العمر لو حفتك الاشواك
ليتك اول طريق القلب ليتك
ودع البرد كف ضم يمناك
صافح الود قلبي يوم جيتك
حي هالشوف رغم هموم فرقاك
لو تناسيت جرحي مانسيتك

[عبدالله خلف الله الهذلي]

لــ... نايف صقر الدلبحي



سجد قلبي على رمل الضلوع وهزه التنهيد=وانا في جوفي خيام الندم والخوف منصوبه
يارب افهق هلاكي والمنايا والدروب بعيد= مادام المودماني للتراب تقوده دروبه
ياغياث الضوامي والثمام وجرهدي البيد= اعذني من جهنم والحشر والموت وكروبه
انا مانيب لامشرك ولافاسق ولاعربيد= انا اللي لا عصى واخطا تجهم واقلقه ثوبه
وانا اللي يرتجف مثل ارتجاف الخايف الرعديد= ليا شاف القبور الضيقات وحس بذنوبه
انا عبدك ولد عبدك وجداني هل التوحيد= خطاياي اخجلتني يالله الغفران والتوبه
انا الانسان حمال النقايض والكمد والكيد= غريق الطين واللذات من راسه لعرقوبه
انا عبدك ياربي وانت تفعل ما تشاء وتريد= سالتك يالله العفو العظيم وهين دروبه

[عبدالله خلف الله الهذلي]

وله ايضا...


وجه الطريق اسمر


الموت حظ القلم والمجد للدفتر
حبر القلم غلطتي وايامي اوراقي
الخوف يجتاحني وجه الطريق أسمر
راح اكثر العمر ياخوفي على الباقي
ياجرح رافقتني للناس لاتظهر
وان عشت في نظرتي مامت باعماقي
ياصوت لاتلتحف صمتي ولاتصبر
قل ماتبي واترك الهقوه على الهاقي
والخطوه اللي عن آخر سكتي تقصر
ماهيب من طبع رجليني ولاساقي
مانيب من عاش لايربح ولا يخسر
ولاهو ضرري تكون أفعالي أخلاقي
ثراي ماينشد الغيمه متى تمطر
مادامها في سماي تحن لاغراقي
رح وين ماتشتهي رح قد ماتقدر
أنا اول الناس في قلبك وانا الباقي
يكفيني انك تعذبني وانا اتفجر
قصايدٍ تنتظرها كل عشاقي
وانا قصيدي يجي مختارني مهجر
وأنبت عشانه نخل وسنيني الساقي

[عبدالله خلف الله الهذلي]

سليمان المانع....


الرجول
ه

كان الرجوله بالمظاهر والاشكال
عزالله اني ماعرفتالرجوله

وكان الرجوله بالمواقف والافعال
عز الله اني مرتوي يالخجوله

ياجارحة احساس شاعر ورحال
غريب تايه من زمان الطفوله

ماكل من يكشخ من الناس رجال
الشخص جوهر وأفهمي ما اقوله

سطحية النظره ومعبودة المال
مايعجبك شكل الغريب ونحوله

شكلي غلط لكن على الكود حمال
ودرب الفخر نفسي عليه معلوله

والشاطر اللي يفتهم رمز الامثال
كم داس وقتك من سلايل جموله

لاني بمغرورٍ ولاني بحيال
لي روح عن باقي الخبول معزوله

باني لي اهدافٍ عظيمات وآمال
والغيم من شافه ترجى هطوله

ولايندمج درب الدناسه والافعال
والاصل يعرف من يتم بأصوله

[عبدالله خلف الله الهذلي]

وله ايضا....


طقـوس
حـياتنا جنـح الصـدى ترفـض الصـوت
وهـو غصنها المفـرد وهـي جمـع ورقا

نهـرب لها تهـرب بنا.. نطلـع تفـوت
المـوت الأصدق لا والأقوى والأنقا

نعيـش وأحـلا أقمـارنا تشــربه حـوت
ونضـرب علـى نحـاس القصـايد لغرقا

عـن عنكبـوت أحلامنا ننسـج: سكـوت
طلـع ذهب.. يا فضــة الحـكي فرقا

نذبـح بيــوت بدمهــا نبـني بيـوت
من وين نرقا الـدرب ولوين نرقا؟

عـاري جـهلنا شـغلته يلعــن التـوت
وهذا الورق لا أشـبع ولا أمتع ولا أسقا

كيف أفتخر؟! وأنا أشعر الشعر "عكروت"
! يَـدوّرْ بنــا كـل الفضـايح.. ويلقا

خــجلا قصــايدنا تهــزَّعْ لهـارَوت
وترقــص لسحـره في نواعـيس عنقا

مـبطي نسـينا جــرح سـينا وبـيروت
يعـني وبعــنا حيـف "حـيفا" بطرقا

يا أخي لو إن آخـر قصيـده هي: المـوت
كـم شـاعرٍ يرحل؟.. وكم شعـر يبقا

[عبدالله خلف الله الهذلي]

شكرا محمد على الاختيار

واصل تألقك..

[محفوظ أبو نايف]

الله يبيّض وجهك يابو وصايف
الحقيقة إن جهدك واضح
الإشراف مسؤليه خاصّة إذا كان خويك كسول

من القصائد التي لها شهره ويحفظها كثير من الناس
قصيدة الشاعر المعروف عبدالله بن نايف بن عون





يامل قلـب يسـج أوفيـه دولاجـه =من واهج بالضمائر قـام يدرجهـا
مغير أسير تقـول امضيـع حاجـه= واخذ وأسند علي روحي وأهرجهـا
وادوج لو كان ما رجلـي بدواجـه= أدلـه النفـس ليـه الله يفرجـهـا
في معزل عن كثير الخلق =ما سمع من الناس لو تكثر لجالجها
يالله ياللي بيدك الضيـق وافراجـه= ياخالق الخلـق ياقاضـي حوايجهـا
تفرج لعيناً إلـى غفـت بسوهاجـه= تجهز عليها الطواري لين تزعجهـا
بالصدر ضيقه ونوم العين هملاجـه= عيناً من العام والسهـر أمتولجهـا
نومٍ سهرها شديد ونـوج سهاجـه= ونوجٍ تكن الدموع ونـوج تزعجهـا
عليك ياللي بقلبـي كـأن وهاجـه= وهاج نار هـوا الغربـي يسارجهـا
راعي ثماناً كمـا الياقـوت لعاجـه= كن البرد يوم يضحك فـي مفالجهـا
يا روح روحي وزع القلب وانتاجـه= الطف بروح عليك الهـم ساهجهـا
وشي ينفعك من حنين القلب واخلاجه= وجروح أسبابها انـت ولا تعالجهـا
أما التفتله وتـم الوصـل بمواجـ والا بـلا عشـرةٍ هـاذي نتائجهـا