قصيده موجهه لشاعر الحكمه عبدالله بن علي الطلحي

[مبارك جارالله]

يابيوت الشعر وحروف الكتابه =ياهجوسٍ طوَع الشاعر صعبها
الهجوس اللي كماوبل السحابه =كل عين تخيلها يرمش هدبها
ياسموالشعر ياحضرة جنابه =أنت مال هذيل ياغاية طلبها
جاك شاعر من هذيل أجهدركابه=والمطيَه حثَها يومه شعبها
كل طرقي لاحزب ياخذ زهابه =من نوى له طرقةٍ يحسب تعبها
شفت لي فالوقت ميله وإنقلابه= والليال السود ياماأكثرغضبها
شاب راسي من تهاويل القرابه= ومن شكى من علةٍ مات بسببها
القرابه بينهم شرَ وحرابه =كل عقرب تحشد السمَ بذنبها
أخبرإنَ السيف عزَه من نصابه=وإثر نار الحقد مايطفي لهبها
عند عبدالله تفاسير الإجابه =عارفه والعارفه يطلى جربها
حيث أبوناصر يشرَفنا جوابه=للمزاين كل منقيَه جلبها
شاعرالحكمه وكلآ قد درى به=وهبة المولى لعبدالله وهبها
أنقذالشعرالأصيل من الرتابه=والبنوك الغاليه يصرف ذهبها
واشهدواله كل خنذف مع شبابه=إنه اللي لالقى الجزله كتبها
بارك الله في مشيبه مع شبابه=واهنيَه كان للمولى إحتسبها
أشهد إنه ما يفرَحنا غيابه=في حضوره بهجة النفس وطربها
والكرم من عادته ماصكَ بابه=من جدوده ورثة الجود إكتسبها
والمراجل مالها غيرالذيابه= كل ذيبٍ يطمح العليا رقبها
مثل أبوناصرحكيم بكل جابه=فازبالحكمه وأخذ عالي رتبها
الذكا من ميزته وايضا النجابه=عنده العرَاف تثني له ركبها
يانديبي سلَم الغالي كتابه =وانتظر منه الردد تالي رجبها

[محمد بن جبير]

أخبرإنَ السيف عزَه من نصابـه
وإثر نار الحقد مايطفـي لهبها
,,,,
,,,
,,
,ا
انا اشهد ياابو زيد انك شاعر متمكن من تصوير الاشياء بشكل صحيح , وهذا البيت صورة شعرية جميله جدا ومعبره حيث انه يدل انه لايمكن ان يأتي السيف دون النصاب
,,,,
,,,
,,
,

والمراجـل مالهـا غيرالذيابـه


كل ذيبٍ يطمـح العليـا رقبهـا


وهذا البيت من افضل الابيات في هذه القصيده ونعم بك وباابو ناصر

[مبارك جارالله]

حياك الله ياابو حميد وأشكر لك مسارعتك في التصفح والمشاركه وأنت راعي الاوله مايحتاج

[عبدالله خلف الله الهذلي]

اقتباس:
المشاركة الأصلية كتبت بواسطة مبارك جارالله http://www.al-hothli.com/vb/images/al-hothli_new/buttons/viewpost.gif (http://www.al-hothli.com/vb/showthread.php?p=3319#post3319)

يابيوت الشعر وحروف الكتابه =ياهجوسٍ طوَع الشاعر صعبها
الهجوس اللي كماوبل السحابه =كل عين تخيلها يرمش هدبها
ياسموالشعر ياحضرة جنابه =أنت مال هذيل ياغاية طلبها
جاك شاعر من هذيل أجهدركابه=والمطيَه حثَها يومه شعبها
كل طرقي لاحزب ياخذ زهابه =من نوى له طرقةٍ يحسب تعبها
شفت لي فالوقت ميله وإنقلابه= والليال السود ياماأكثرغضبها
شاب راسي من تهاويل القرابه= ومن شكى من علةٍ مات بسببها
القرابه بينهم شرَ وحرابه =كل عقرب تحشد السمَ بذنبها
أخبرإنَ السيف عزَه من نصابه=وإثر نار الحقد مايطفي لهبها
عند عبدالله تفاسير الإجابه =عارفه والعارفه يطلى جربها
حيث أبوناصر يشرَفنا جوابه=للمزاين كل منقيَه جلبها
شاعرالحكمه وكلآ قد درى به=وهبة المولى لعبدالله وهبها
أنقذالشعرالأصيل من الرتابه=والبنوك الغاليه يصرف ذهبها
واشهدواله كل خنذف مع شبابه=إنه اللي لالقى الجزله كتبها
بارك الله في مشيبه مع شبابه=واهنيَه كان للمولى إحتسبها
أشهد إنه ما يفرَحنا غيابه=في حضوره بهجة النفس وطربها
والكرم من عادته ماصكَ بابه=من جدوده ورثة الجود إكتسبها
والمراجل مالها غيرالذيابه= كل ذيبٍ يطمح العليا رقبها
مثل أبوناصرحكيم بكل جابه=فازبالحكمه وأخذ عالي رتبها
الذكا من ميزته وايضا النجابه=عنده العرَاف تثني له ركبها
يانديبي سلَم الغالي كتابه =وانتظر منه الردد تالي رجبها




مبارك قصيدة من شاعر متمكن
وموجهه لشاعر جدير بكل عبارات المدح التي ذكرتها
وبانتظار رد ابو ناصر..."تالي رجبها"

لك الشكر على هذا الحضور

[مبارك جارالله]

ماعليك زود ياعبدالله وشهادتك أعتز فيها يامشرفنا الغالي

[بندر الغريبي]

لله درك

جزاله وتمكن

صح لسانك ملايين يامبارك

وبانتظار رد شاعر الحكمه

[عبدالرحمن بن حمدان]

ماشاء الله تبارك الله !!
بناء شعري, صور بيانيّة, تمكن لغوي مع الإلتزام باللهجة إبــــــــــــداااااااااااع ياأبوزيد
وأظن أني بهذه القصيدة كسبت الرهان في شهادتي بتميزك وخاصةً في المساجلات الشعريّة
أتمنى أن يستمرهذا الرقي الشعري


ولاشك نحن في شوق إلى رد المبدع أبوناصر

[مبارك جارالله]

صح بدنك يابندر ومثلك وشرواك يشرفني مروره وثناؤه

[مبارك جارالله]

تحرجني ياأبوسعد بأخلاقك العاليه وتواضعك الجم والله لايحرمني من طلتك البهيه ياالغالي

[نايف محمد]

الأخ مبارك جارالله
صحيح ان مروري كان متأخر ولكن لحاجه في نفسي
وكان النص من البدايه للنهايه لا يمل
يابيوت الشعر واحروف الكتابه
ياهجوسٍ طوع الشاعر صعبها
في الشطر الأول كان هناك مناداه وأستنجاد
وفي الشطر الثاني من البيت اتضح سر مناداة الشاعرلحروف الكتابه تمثلت في ترويضها وتطويعها بسياط الموهبه واصرار الشاعر
ويستمر الشاعر في ترويض هجوسه ليرسم لنا صوره جميله كجمال باقي النص
الهجوس الي كما وبل السحابه
كل عينٍ تخيلها يرمش هدبها
الله عليك يامبارك جعلتني اكبر عيني أكثر في هذه السحابه التي امطرت المتصفح
والله نص يحتاج لوقفات لجماله وقوته

[عبدالله الطلحي الهذلي]

الغالي / مبارك جارالله

كانت قصيدتك الرائعة بمثابة وسام شرف من الدرجة الأولى
أرتديه يوم فخري وإعتزازي , ولو أني لم أستغرب جزالتها
فأنت شاعر تجمع بين التمكن وسمو الهدف

أثرت القريحة وحددت المدة فما كان مني إلا أن أستجيب



يالهجوس اللي مع الغيمه تشابه=غيمةٍ تفرح بها الدار وعربها
مرت الطرقي ولا بلت ثيابه=واشغلت عين الشقاوي في عجبها
شفتها وانا بها مغرم صبابه=قلت عانقت السحب ياسودة ابها
في سماك الغيم يتشابك ربابه=كلما غيم على القمة خضبها
جاتني وانا سريع الإستجابه=لو مافيها سلام أرحّب إبها
مرحبا والصدر مدهال ورحابه=بالهجوس اللي زهاها حسن ادبها
جاتنا من شاعرٍ نحسب حسابه=مايهاب من الصعاب ولاحسبها
شاعرٍ شكواه جتنا في خطابه=ماشكى من حرها إلا من قربها
لاعجب فيما شكاه ولاغرابه=كل نفس من الزمن زايد عتبها
والبشر لولا العقول سباع غابه=من لقى له صيدةٍ تُغلَب غلبها
يرغب الحاجه وياخذها نهابه=يعتبرها حاجته دامه رغبها
يامبارك كل زرعٍ من ترابه=والرفاقه طيبها يغلب شغبها
عزوتك لو الزمن عظك بنابه=جات وقفتها تبرهن عن نسبها
مير لاتفرض على ربعك رقابه=تحسب الغلطات وتكسر حِسبها
واعذاب اللي يدقق واعذابه=كلما جت مشكله طاح بنشبها
لاتناظر واحدٍ مافيه ثابه=لو يجي للناس مجتمعه نكبها
مالك إلا الصبر والصبر بثوابه=حظ منهو طوّع النفس وغصبها
صير محضر خير لاجات الطلابه=لاتشوف النار وتزود حطبها
العرب لاشافت العاقل تهابه=تعرف إنه نيته ماقد قلبها
إن حضر في صلح رأي الصلح جابه=وحط دون المشكله باب وحجبها
الوفا طبعه وذكر الله حجابه=ما تعدى للحقوق ولاسلبها

[مبارك جارالله]

هذا النص أتى بفضل الله ثم بفضل نقدك الهادف ونظرتك الثاقبه للنصوص والحقيقه لاأخفيك أنني أنتشي لإنتقاداتك الرائعه وأبلغ الثماله ولكن لا أخفيك أيضآ أنني أتحفظ على نقدك اللاذع لبعض الإخوان ونصوصهم فالحق مر ولايتقبله كل أحد من الناس فبودي أخي نايف وفقك الله لكل خير وأن يأخذ بيدك إلى ماتصبو إليه أن تضع نصب عينك حديث المصطفى عليه الصلاة والسلام الذي يقول فيه <ماكان الرفق في شيْ إلازانه ولانزع من شيْ إلا شانه >وأكرر شكري وإمتناني وفقنا الله وإياك لكل خير

[مبارك جارالله]

الأخ عبدالله أبوناصر الشرف لي والله فأنت فتحت لي أبوابآ من المعرفه وآفاقآ جديده ووالله لقد قرأت قصيدتك عدة مرات لجمالها وإستقراؤك للنص كان أكثر روعة وجمالا لفطنتك لبعض خباياه التي قصدتها وهذا يدل على دهائك وفطنتك كما توقعت والحمدلله الذي صدق ظني فيك أحيي تواضعك الجم وإعتبرني أحد تلاميذك الشغوفين للنهل من معينك الصافي اللهم كما جمعتنا في الدنيا على المحبه فاجمعنا في مستقر رحمتك آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآآآآآآآآآآآآآآآآآمين

[موفق عبدالله]

كان لي شرف الأنضمام لهذا المنتدى الرائع
وتشرفت بقرائة البدع والرد بين الشاعرين
نص راقي

[مبارك جارالله]

حياك الله ياموفق وهذا من ذوقك ياالغالي وتشكر على مرورك وأنت بين ربعك وإخوانك

[مبارك جارالله]

أشكر جميع من علق أو أشاد بهذه القصيده وأبوناصر يستاهل كل خير

[يوسف بن خضر الطلحي]

صح لسانك يافارس الشعر وحامل لوائه أبازيد على هذه الرائعة فلاغرو ان تصدر من مصوغات الشعر معان خالدة والتحية موصولة الى شاعر الحكمة وفق الله الجميع

[مبارك جارالله]

تشكر يااخ يوسف على الإطراء الرائع وهذا من طيبك وأنا أخوك

[جريح الزمان]

ابيض وجه يابو زيد .. و صح لسانكـ ..

إلى الأمام و فالك الناموس ..

اخوكـ .. // عبد الله حميـــــــد // ..

[مبارك جارالله]

حياك الله ياعبدالله حميد ووجهك ابيض وأسأل الله أن يلبسك لباس الصحه والعافيه وأن نراك قريبآ بخير حال