وصل العطياني
05-31-2009, 02:00 AM
السلام علاكم :)
العمر يفنى والحياة أحلام والدنيا متاع=يا كمّ نفسٍ روّحت ما حقـّقت مطلوبها
يا منخدع في ضحكة الدنيا ترى الضحكة خداع=لا تأمن الدنيا ولو تضحك لك مـْع جنوبها
إن ما تغانمت المراجل قبل ساعات الوداع=بـَعـَد وفاتك ماهي بصوبك ولا انت بصوبها
والمرجلة ماهيب سلعة تنشرى والاّ تباع=كم ناسٍ يقومون ويطيحون ما فرْحوا بها
اللي مولّع بالضياع يروح لدروب الضياع=واللي مولّع بالمراجل ما يغرّ دروبها
الطّيب بيــِّن ومتعيِّن ما على وجهه قناع=لكن بعض الناس عميا والجَهَل عذروبها
والغيب ما يُعلم لكنّ العقل سـِـيد الإختراع=ليا اشتغل عقلك عرفت الناس وش فـ "قلوبها"
وإن كان ما انته مستفيد من الدّماغ الاّ الصّداع=ما غير حظ الصّيدليّة ما تبور حبوبها
لا صرت ما تتعب على ( والنــِّعم ) قدر المستطاع=صدّت ولفـّت لك ظهَرها واعْطَتِك عرقوبها
وليا تملّكْت الكرم والحكمة وطول الذراع=لا تشغلك نفسك تراك اعطيتها ماجوبها
والواحد اللي لا كريم ولا حكيم ولا شجاع=مفروض يعطي ثوبه الحرمة ويلبس ثوبها
تحيااااااااااااااتي
العمر يفنى والحياة أحلام والدنيا متاع=يا كمّ نفسٍ روّحت ما حقـّقت مطلوبها
يا منخدع في ضحكة الدنيا ترى الضحكة خداع=لا تأمن الدنيا ولو تضحك لك مـْع جنوبها
إن ما تغانمت المراجل قبل ساعات الوداع=بـَعـَد وفاتك ماهي بصوبك ولا انت بصوبها
والمرجلة ماهيب سلعة تنشرى والاّ تباع=كم ناسٍ يقومون ويطيحون ما فرْحوا بها
اللي مولّع بالضياع يروح لدروب الضياع=واللي مولّع بالمراجل ما يغرّ دروبها
الطّيب بيــِّن ومتعيِّن ما على وجهه قناع=لكن بعض الناس عميا والجَهَل عذروبها
والغيب ما يُعلم لكنّ العقل سـِـيد الإختراع=ليا اشتغل عقلك عرفت الناس وش فـ "قلوبها"
وإن كان ما انته مستفيد من الدّماغ الاّ الصّداع=ما غير حظ الصّيدليّة ما تبور حبوبها
لا صرت ما تتعب على ( والنــِّعم ) قدر المستطاع=صدّت ولفـّت لك ظهَرها واعْطَتِك عرقوبها
وليا تملّكْت الكرم والحكمة وطول الذراع=لا تشغلك نفسك تراك اعطيتها ماجوبها
والواحد اللي لا كريم ولا حكيم ولا شجاع=مفروض يعطي ثوبه الحرمة ويلبس ثوبها
تحيااااااااااااااتي