الحي والميت

[بارق السيف]

البارحة وادعت خلي وقفيت
شفت السعادة عقب عينه تناحت

سافر ونا في دنيتي ما تهنيت
من زحمة الأفراح واليوم شاحت

من يوم ما سافر ونا ماتمنيت
أحيا بلا أشواق والروح ناحت

زاد العنا من مر عذابي تقهويت
بهرت عيني من فراقه وفاحت

صبيت فنجالي مع الوقت واسقيت
كل الجروح الي بصدري تلاحت

شبت ظلوعي نار منها تشاقيت
ذابت عيوني من جمرها وساحت

حير خفوقي التمني وياليت
ترجع مكانت دمعتي يوم طاحت

اللي يعزيني عن الناس سجيت
من ثم عيوني للدموع استباحت

ياناشدن عني تراني تدانيت
وسم الشقى من فوق خدين (ناحِت)

أضحك وداري وادعي ما تعنيت
لكن اذا طروه هالعين باحت

أطلب عيوني تكتم السر وأزريت
وزرت عيوني كتم ماها وزاحت

كنه عيوني لانتختني ولبيت
لبت جروحي قبل البي وصاحت



لحدن طلب توصف له الحي والميت
شفني أنا روحي مع الغير راحت


اتمنى لا تحرموها من انتقاداتكم
وتمنى ايضا الافاده بخصوص الشطر الذي وضعت لكم قافيته بين قوسين
فقد غيرت تشكيل الحرف الذي قبل الاخير من الفتحه الى الكسره هل يعيب ذالك في القافيه ام يجوز
ولكم جزيل الشكر مقدما