لمن يرغب المحاوره

[مبارك جارالله]

مرحبا ترحيبةٍ ما أحصي عددها =من هجوسٍ تطرق إجداد المعاني
من يبي يلعب معي يحضر سندها =قبل لا يشمت بها قاصي وداني

[رزق الله الشمعي]

البقا وبيوتنا نرفع عـــمدها
ما خذيتا من فلان ولا فلاني

المطية يا عميلي من جهدها
والمعاني ما يضيعها لسانــي

[مبارك جارالله]

ياعميلي كل سلعه من بلدها =ورَدوها لين رسَت في المواني
والمطيه فاردٍ عنها ولدها=كم تعاني في زمنها كم تعاني

[رزق الله الشمعي]

المنايا ما توخر عن وعدهـا ......... مضيق الدنيا بعين المودمانـي
والعيون اللي معذبها رمدها ......... تحسب الساعات وتعد الثواني

[مبارك جارالله]

شفت رزق الله تو خَر عن رددها =واحمد الله بعد ما با لرَد جاني
والعلوم مثبَته لو هو جحدها = وإن نهيته عن سواليفه عصاني

[مازن الهذلي]

ياسلام


لماذا توقفوا شعرائنا ؟

[رزق الله الشمعي]

السلام عليكم ورحمة الله وبركاته ....المشكلة أنا رجل مشغول ...والأخ مبارك من لعزيزين عليه وأحب الأخذ ولعطاء معه

يامبارك من زرع زرعه حصدها
وأنته إمطوع وفيك القاف زاني

من سعى للطيبه غصبى وجــدها
ومن سعى للهينه غصبى يهاني

[حمادي المطرفي]

محاوره ممتازه

..... تكرار لدى شاعرنا رزق الله ؟؟؟؟

[رزق الله الشمعي]

شكرآ للأخ حماد .....هناك خطأ وتم التعديل بارك الله فيك

[مبارك جارالله]

إعلم إنَ السابقه تطلع بيدها= كان ماتدري يعلمك الزماني
والمطوَع لا لقى شلَه جلدها=يامروينهى في يده خيزراني

[حمادي المطرفي]

ياسلام الله الله يامبارك
صح لسانك
والمطوَع لا لقى شلَه جلدها
يامروينهى في يده خيزراني


...... تقبل متابعتي للمحاوره

[مبارك جارالله]

حياك الله ياحمادي المطرفي وإن شاء الله إنك اللي على بالي وسلَم على طالب معك كثير السلام

[رزق الله الشمعي]

ياسفير المطوعة يامعـتمــدها
مطوعتكم غير تبغى ترجمـانـي

أول الأيام رحت من نشــدها
وآخـر لأيام شعـر وليل دانــــي

[مبارك جارالله]

الشماته ماأنت سالم من نكدها=تضوي النقَده على راس الهداني
والنفوس الحاقده نعرف حقدها=تلتوي ليَ الحنش والعقرباني

[رزق الله الشمعي]

يا شقى نفسك و يا قلت سعدها
ماطرحك الله في رجّالا ًجبانــي
ما كفاك الأوّله واللـي بعـدهـا
ما بقى ألا كيـّـة فــوق الأذانـــي

[مبارك جارالله]

ما خبرتك غير تاكل في قددها= والعرب تنقدك ياذا البهلواني
وإن عقدت حبال ماتنقض عقدها=حارمك رب البشر يومه عطاني

[حمادي المطرفي]

قااااااااااااااااااف حاااااااااامي

الله الله صح لسان شعرائنا
لا والله للأسف يامبارك ماني اللي على بالك بس يشرفني اني اكون على بالك من اليووم

سلمت اانت وطالب بسلامته ما اعرفه

تحياتي لك

[رزق الله الشمعي]

المطـــوع كل قواتـــه حشـــدها...............ما درى أني ماتزحزح من مكاني

لو رصد كل الذخيره لو رصدها...............الجمل ما يطرحه مكر الحصانــي

[مبارك جارالله]

الجمال اللي تخبَط وش قردها =ما تروح بشانها وأنا بشاني
والنمور نمور ما تقدر عندها =يابعيرٍ عادته جرَ السواني

[رزق الله الشمعي]

برقها يا صاحبي يسبق رعدها............ونسمعت الرعد اضنك ما تداني

صاحبي كل الليالي ما رقدها.............بعد جاتــه طعنتي فــق اللبانـــي

[مبارك جارالله]

صاحبك لا جيت مع درب إقتعدها= لين عشرك في يدك ترجع ثماني
طعنة الغدار ما و احد حمدها =ماتطول الجدي وسهيل اليماني

[رزق الله الشمعي]

سيدي الفاضل وأخي العزيز ....مبارك الطلحي...السلام عليكم ورحمة الله وبركاته, المعذرة عن كل إسآءة غير مقصودة أعتقد أن القاف
قد شاب تقريبآ,تحياتي لك ومافيك حيلة .


أخوك: رزق الله الشمعي الطلحي

ياأيها الشعر قف وسمع مقالتنا........فأنت ملك لنا يـاأيـها الشـــعر
إنا أسـرناك مذ كنـا ولـم تــــزل........ملك لنا يعتريك القيد والأســر

[مبارك جارالله]

أهلآ بك أخآ عزيزآ ولا حصل غير الطيب وسامحنا أيضآ إن تجاوزنا الحد وصدق الله أصدق الصادقين إذ يقول [وأنهم يقولون ما لا يفعلون] وقد وجدتك خصمآ لا يستهان به أكرر شكري وتقديري لشخصك الكريم وأراك على خيرإن شاء الله في القريب العاجل وسلَم لي على أخوانك كثير السلام

[عايش احمد عايش]

صحت السنتكما أيها الأستاذين الكريمين رزق الله ومبارك جار الله
لكن نريد ان تكون هذه المحاوره على ارض الواقع شاعرين خطيرين جدا
اسمعوا راي الصديق اللي رصدها ==== كنكم زيد العضيله والسناني
رميكم مضمون وقع في كبدها =====رمي صايب بيجديدات البراني

[لاحق الظافر]

محاوره رائعــــــــــــــــــــــه
تقبلومــــــــــــــــــــــــروري

[لاحق الظافر]

ياعايش احمد التوقيع راقي
ودي بالابيات كامله لوسمحت

[عايش احمد عايش]

يا أخ ظافر اللاحق نشكرك على شعورك النبيل تجاه الابيات الموقعه وهذه من بنات افكاري بيتين فقط لكنها في مقام قصيده لأن خير الكلام ماقل ودل وقد بعثتها في رسالة جوال الــى شاعر الحكمه ابو ناصر وجاراها بالبيتين الآتيين
راعي الطيب حظه مباريه === يــلــقــاه فــي الــنــاس والا نــهــار الـقيامه لقيه
كــل راسـا بـعـينـه وآذانيه === يكسب تجارب من احوال في الوقت تمضي عليه
تقبل مروري و تحياتي ... اخوك عايش احمد عايش

[لاحق الظافر]

لازم لنا جلسه تجمعنا واخذعلومك
على خير أن شاء الله

[ماجد]

والله والنعم فيك يارزق الله

[محمد خلف الله الطلحي]

الشاعرين مبارك ورزق الله نجمين في سماء الطائف

[شيهانه]

بيض الله وجيهكم على هذه الأبيات الرائعه