عبدالله خلف الله الهذلي
06-01-2009, 05:53 PM
هذه القصيدة أرسلتها لشاعر الحكمة العام الماضي (30/7/2008)
أرى من المناسب المشاركة بها في هذا المتصفح
وأرجو أن ترتقي لذائقتكم
صفحة البحر تعكـس هدهـدات الغـروب=زفــرة الـهـم والتـوديـع تنتابـهـا
كن وجـه الحقيقـة معتليـه الشحـوب=قـام ينـزف شفـق ويشتـت خضابهـا
هـي ملامـح الـم والابقايـا نــدوب=مزنتيـنٍ تـزف الشـمـس لاعتابـهـا
هـي بدايـة امـل والا نهايـة هـروب=تلتـحـف ليلـهـا وتقـفِّـل ابوابـهـا
بين شعري وبيني يا ابو ناصـر حـروب=عـز مطلوبـهـا واحـتـار طلابـهـا
كان ذنبي طموحي حالـف انـي مااتـوب=لـيـن اثـبِّـت ثناديـهـا بمخلابـهـا
ودي اصـف ريشـي لاحتفـال الهبـوب=واعتلي ..واعتلي .. واطير وارقـى بهـا
وازوي الارض في عيني واحلق واجـوب=واسع الكون وحـدي مااتبـع اسرابهـا
ودي اطيـر لارضٍ مامشتهـا الـدروب=فاع نسناسهـا مـن مزهـر اعشابهـا
ديـرةٍ للرعـود وللسحايـب طــروب=بيـن هـامـي عبايـرهـا وصبابـهـا
لا اشرقت شمسها كن السحايـب تـذوب=تسكـب الوانهـا وتعـانـق هضابـهـا
من هواهـا ..هواهـا يستبيـح القلـوب=ومن رواهـا ..رواهـا فيـض شرابهـا
ياقصيـدي تحيـزم وانـت عنـي تنـوب=لايــردك طمـوحـك دون مرقابـهـا
وان تعليـت قمتهـا يميـنـك شـبـوب=نـار ماتنطفـي .. مـن زنـد شبابهـا
شاعرٍ من قـراح الفكـر يمـلا غـروب=تـروي قلـوب هيـمٍ ..تثنـي رقابـهـا
حكمته راسخـة ماهـي سماليـل ثـوب=مـا تسـلـف عمايمـهـا وجلبابـهـا
من قديم السنين ومـن أديـم الخطـوب=وسَّـع رواقهـا ..ومثـبـت أطنابـهـا
لا لفيته غشاك الطيب مـن كـل صـوب=حلة رجـال .. ينبـت عشـب ترحابهـا
اثن ساقك.. وسلِّـم ..والتحيـة وجـوب=وانشده .. واهل مكـة تعـرف شعابهـا
وين صافي العدود لمن حـداه النضـوب=وان لقـى فيضـةٍ قــزَّاه حثرابـهـا؟
وكيف نبني البيوت المحكمة ..طوب..طوب=مع رجال ..البنا الواهي ..خـذا البابهـا؟
خذ من الشور نور وخذ مـن العلـم ذَوب=والقلـوب السخيّـة ..تفـتـح كتابـهـا
بعدها ياقصيـدي مـع عـذيّ الهبـوب=زف ريشـك وعِـنّ لعالـي أسبابـهـا
همتـك للشمـال ...وللحمـول الجُنـوب=والحواسـد ..يعـضّ ابهامهـا نابـهـا
أرى من المناسب المشاركة بها في هذا المتصفح
وأرجو أن ترتقي لذائقتكم
صفحة البحر تعكـس هدهـدات الغـروب=زفــرة الـهـم والتـوديـع تنتابـهـا
كن وجـه الحقيقـة معتليـه الشحـوب=قـام ينـزف شفـق ويشتـت خضابهـا
هـي ملامـح الـم والابقايـا نــدوب=مزنتيـنٍ تـزف الشـمـس لاعتابـهـا
هـي بدايـة امـل والا نهايـة هـروب=تلتـحـف ليلـهـا وتقـفِّـل ابوابـهـا
بين شعري وبيني يا ابو ناصـر حـروب=عـز مطلوبـهـا واحـتـار طلابـهـا
كان ذنبي طموحي حالـف انـي مااتـوب=لـيـن اثـبِّـت ثناديـهـا بمخلابـهـا
ودي اصـف ريشـي لاحتفـال الهبـوب=واعتلي ..واعتلي .. واطير وارقـى بهـا
وازوي الارض في عيني واحلق واجـوب=واسع الكون وحـدي مااتبـع اسرابهـا
ودي اطيـر لارضٍ مامشتهـا الـدروب=فاع نسناسهـا مـن مزهـر اعشابهـا
ديـرةٍ للرعـود وللسحايـب طــروب=بيـن هـامـي عبايـرهـا وصبابـهـا
لا اشرقت شمسها كن السحايـب تـذوب=تسكـب الوانهـا وتعـانـق هضابـهـا
من هواهـا ..هواهـا يستبيـح القلـوب=ومن رواهـا ..رواهـا فيـض شرابهـا
ياقصيـدي تحيـزم وانـت عنـي تنـوب=لايــردك طمـوحـك دون مرقابـهـا
وان تعليـت قمتهـا يميـنـك شـبـوب=نـار ماتنطفـي .. مـن زنـد شبابهـا
شاعرٍ من قـراح الفكـر يمـلا غـروب=تـروي قلـوب هيـمٍ ..تثنـي رقابـهـا
حكمته راسخـة ماهـي سماليـل ثـوب=مـا تسـلـف عمايمـهـا وجلبابـهـا
من قديم السنين ومـن أديـم الخطـوب=وسَّـع رواقهـا ..ومثـبـت أطنابـهـا
لا لفيته غشاك الطيب مـن كـل صـوب=حلة رجـال .. ينبـت عشـب ترحابهـا
اثن ساقك.. وسلِّـم ..والتحيـة وجـوب=وانشده .. واهل مكـة تعـرف شعابهـا
وين صافي العدود لمن حـداه النضـوب=وان لقـى فيضـةٍ قــزَّاه حثرابـهـا؟
وكيف نبني البيوت المحكمة ..طوب..طوب=مع رجال ..البنا الواهي ..خـذا البابهـا؟
خذ من الشور نور وخذ مـن العلـم ذَوب=والقلـوب السخيّـة ..تفـتـح كتابـهـا
بعدها ياقصيـدي مـع عـذيّ الهبـوب=زف ريشـك وعِـنّ لعالـي أسبابـهـا
همتـك للشمـال ...وللحمـول الجُنـوب=والحواسـد ..يعـضّ ابهامهـا نابـهـا